← Back to Index Go to critical →

Le dit des planetes (copy A)

Edition type: diplomatic | Status: complete | Starting folio: 84r

Folio 84r
1 POurce que ieuoy grant partie
2 Du monde qui moult ſ’eſtudie
3 A li vn l’autre deceuoir
4 Veil (ie )dire .i. dit qͥ eſt tout uoir
5 N’enpuis mes ſei’enſui hais
6 Mes ietiens ceus pour foux nais
7 Qui tant ſefient eſtre foꝛs
8 ⁊ enlafoꝛce deleur coꝛps
9 Q՚ il ne leur chaille del’ame
10 Diex il n’eſt ſi belle dame
11 Neſi foꝛt hōme tant ſoit fier
12 Q՚ moꝛt ne face trebuchier
13 Ꝑſonne qui a amourir
14 Ne ſe deuroit ia oꝛgueillir
15 Del’eſtat dumonde veil dire
16 Ꝑ amours n’en aies pas ire
17 Car ꝑtout atrop arepꝛendꝛe
18 Aucuns aīment miex aētēdꝛe
19 Vne foulour quant on l’adit
20 Q՚ choſe donc uient pꝛofit
21 Mes pour ce ne lairoi ie mie
22 Que pure uerite nedie
23 Diex gart qͥ l’oꝛra ſanz noiſier
Folio 84v
24 Saint pol ſileveut teſmonier
25 Car celui doit bien ieuner
26 Qui apoint neueult laboꝛer
27 C’eſt vn c՚tain enſeingnem̄t
28 Oꝛ entendes bn̄ ſainement
29 Il ſunt .ij. paire delabeurs
30 Li vn d’aq՚rre bonnes meurs
31 L’autre eſt ouurer deſes mains
32 Ces .ij. ouurages ſunt c՚tains
33 Ꝑſonne qui ſoit ſon meſtier
34 Dont elle puet pain gaaignier
35 Doit loer dieu ꝑfetement
36 ⁊ confoꝛter la poure gent
37 Deſes bn̄s que diex lienuoie
38 Diu՚ſe gens vont ꝑ la uoie
39 L’un demande pour dieu ſauie
40 Et l’autre la boe neſtie
41 Letiers ſifait ueſſiaus d’argēt
42 Li vn achete et l’autre vent
43 Les autres ſeruent d’autre guiſe
44 Qⁱ ne ſ’en meuent del’egliſe
45 Les marcheans les laboureurs
46 Les ſouſtiennēt deleur labeurs
47 Noble eſt que de donner
48 ⁊ chetiue de demander
49 Celui qui donne ſe franchiſt
50 Et celui qui pꝛent ſ’aſeruiſt
51 Mes chaſcun nepuet pas auoir
52 Graſce d’amaſſer grant auoir
53 Ceus qui ſunt riches ſaches ſunt
54 Qñt ala poure gent bien font
55 Mes ꝑlemonde queurt .i. uice
56 Qui eſt apelles auarice
57 Qⁱ pluſeurs gens en enf՚ meine
58 Il a .vij. iours enlaſemeine
59 De quoy ueil .i. petit parler
60 Vous les oies ſouuent noum՚
61 Les nōs qͥl ont leur ſunt uenus
62 Des .vij. planetes delaſſus
63 Auſiques ail .vij. eſtas
64 Degens aumōde ca ius bas
65 Decomparer ueil ꝑmō cours
66 Aus .vij. planetes et aus iours
67 Lediemenche eſt iour derepos
68 ⁊ pour tant bien comparer l’os
69 Auſouleil c’eſt lenon dedieu
70 Aler doiuent debon cuer pieu
71 Au moustier chaſcun ⁊ chaſcune
72 Lelundi eſt dit delalune
73 Demars pꝛen ſelonc lemardi
74 Demercure le merquedi
75 Le ieudi deiupiter (ſiet) ius
76 ⁊ leuendꝛedi deuenus
77 Deſaturnus leſamedi
78 Oꝛ entendes ieuous empͥ
79 Lediemenche eſt .i. digne iour
80 Si com le ſouleil rent luour
81 Plus qu’autres planetes nefōt
82 Auſi ceus qui bonne foy ont
83 Vont deuotement aumoſtier
84 Audiemenche decuer entier
85 Lameſſe oir et leſermon
86 Voir ce n’eſt mie ſans raiſon
87 Se nr՚e ſeingneur ſecourouce
88 Qñt les gloutons plains dere˞pce
89 Vont enlatau՚ne ou il boiuent
90 Quant oir leſeruiſe doiuent
91 ⁊ font traire du plus foꝛt vin
92 La bonne uiande bn̄ matin
93 Vont acheter il le couuient
94 ⁊ ſe par auanture auient
95 Q՚ li uns d’eus uaiſt aumoſtier
96 L’autre leuendꝛa ſachier
97 Ꝑ la coꝛne du chaperon
98 ⁊ li dit uien t’en ſi beron
99 Nete chaut d’areſt՚ plus ci
Folio 85r
100 Il m’ennuie ie le t’a fi
101 Vrais diex il ne leur deſplaiſt mie
102 D’eſtre du main iuſq՚ acomplie
103 Enlameſon du tauernier
104 Nefont foꝛs crier et noiſier
105 La ſunt aeſes ſus lecoute
106 Souuent faut que l’oſte leſboute
107 Hoꝛs del’oſtel tant iſunt tart
108 Levin qu’em leur foie leur art
109 ⁊ quant ce uient al’endemain
110 Lateſte leur deuſt et lamain
111 Leur tremble loꝛs vont ꝑ effoꝛs
112 Au poil duchien qui les amoꝛs
113 La recoumencent letrumel
114 ⁊ quant reuiennent al’oſtel
115 Il batent fames et enfans
116 Ainſſi gaſcent les meſcheans
117 En .i. iour ꝑ leur lecherie
118 De quoy leur fame ⁊ leur meſnie
119 Veſquiſent bn̄ une ſemainne
120 Vous on fet plus d’eure uilaīne
121 Audimenche qu’autre iour
122 Mes certes c’eſt trop grant foloꝛ
123 Du p՚mier vous lairai eſter
124 De ſecont eſtat veil parler
125 Car par le lundi entendon
126 Qⁱ de lalune pꝛent ſon non
127 Lalune eſt froide freſche ⁊ tendͤ
128 Ꝑ cela nous poons entendꝛe
129 L’eſtat degent religieuſe
130 Qui doit eſtre douce et piteuſe
131 Auſſi coume lalune rent
132 Eaue quant eſt plaīne ſouent
133 Doiuent gent d’oꝛdꝛe grant plēte
134 Euure fere d’umilite
135 Mes le deable les tarie
136 De bouter en ipocriſie
137 Enuainne gloire li vn ſouuēt
138 Ceulz qui pour lelos delagent
139 Font enceſt monde penitance
140 L’euangile dit ſans doutance
141 Que il ont ia eu le lourier
142 Nus ne ſe doit pour eulz iugier
143 Iheſucriſt diſt que cil ſera
144 Eſſaucies qui ſ’a baiſera
145 Cil eſt ſage qui poiſe pꝛiſe
146 Dutiers eſtat dirai laguiſe
147 Mardi uient demars ꝑ dꝛoiture
148 Mars ſenefie l’eſcripture
149 Diex debataille pour tant di
150 Q՚ puis comparer aumardi
151 L’eſtat de chaſcun chꝛ՚
152 Qui pour la foy dieu eſſanc՚
153 Se doiuent combatre aeffoꝛs
154 Le dꝛoit doiuent ſeurer deſtoꝛs
155 ⁊ iugier loyaum̄t touriours
156 Mais maintenāt ēpluſeurs coꝛ̃s
157 Ne veut on poures gens oir
158 Aus auocas couient blanch՚
159 Les mains d’argēt nō pas de chaꝰ
160 Les chꝛ՚s ſiſunt trop chaus
161 D’aler tournoier et iouſter
162 Mes miex leur vouſiſt ꝯq՚ſter
163 Le ſaint ſepulcͤ ou diex fu mis
164 Les ſarrazins ont ia occis
165 Engarnade ml՚t denogent
166 Nous uoion tuit ꝯmunalm̄t
167 Q՚ l’un creſtien l’autre occiſt
168 Legrant meniue lepetit
169 Les laboureurs ſunt trop foles
170 Fain et auoine uit et bles
171 Prent on ſeur eꝯ ſoir ⁊ matin
172 Voir ce n’eſt mie larrecin
173 Mes c’eſt toute qͥ poi maīs vaut
174 Du merquedi ꝑler me faut
175 Qⁱ ſus la planete mercure
Folio 85v
176 Prent ſon non ce dit l’eſcripture
177 Pource ſelonc m’entencion
178 Des marcheans vous ꝑleron
179 Ondit en tous lieus amer
180 Les marcheans et honnourer
181 Qⁱ veulent ouurer loyaument
182 Mes on m’adit n’a pas graum̄t
183 Q՚ qui loyaute veult tenir
184 Qu’a gñt painne ſepuet cheuir
185 Il faut mentir et ꝑiurer
186 ⁊ leplus biau dehoꝛs mouſtrer
187 Qⁱ veult auoir ſ’acheuiſance
188 Bonne gent c’eſt gñt meſcreance
189 Qñt oir met diex ennō chaloir
190 Pour amaſſer trop gñt auoir
191 L’en ſouloit traire vn mr̃cheant
192 Ꝑ ſon dit mes doie enauant
193 On uoit tant defauſes meſures
194 De t՚moiemens et d’uſures
195 C’om ne ſoit enqui fier
196 Se ie vouloie deſlier
197 Malangue endiſant uerite
198 Voir on nem’en ſaroit ia gre
199 Des mr̃cheans atant metes
200 Diex ament treſtous les mauues
201 Ducinqͥeſme eſtat vous diron
202 Car ꝑleieudi entendon
203 Ceſunt les laboureus det՚re
204 Qⁱ penſſent tant ades aquerre
205 Les bn̄s dont ſōmes ſouſtenus
206 Mes les ūs enſunt deceus
207 Ꝑ vne tres mauuaiſe guiſe
208 Car il labourent ꝑfaintiſe
209 De ꝑ main demandent leſoir
210 Afin deleur iournee auoir
211 ⁊ ſi heent c’eſt ſans douter
212 Ce qu’il deuſſent plus amer
213 C’eſt ſaint egliſe clerc ⁊ ꝑſtre
214 C’il vouſiſſent paciens eſtre
215 Plus toſt qu’autres fuſſēt ſauez
216 Ie croy qu’il en iait aſſez
217 Il vouroient que pain fuſt chier
218 Qñt ont depain plains leur guernir
219 Nedi pas qͥl ſoient tous tiex
220 Entendes ſienuaudꝛes miex
221 Ꝑler vous veil du uendꝛedi
222 ⁊ puis ap՚s du ſamedi
223 S’ares les .vij. eſtat tous ſus
224 Leuendꝛedi uient deuenus
225 Venus ſenefie luxure
226 Ml՚t degens imetent leur cure
227 A fere treſtous leur delis
228 Bonnes uiandes et bons lis
229 ⁊ bonnes robes aueſtir
230 Oꝛgueil fet lemonde hōnir
231 Trop foꝛt ſoupꝛēt fames ⁊ hōes
232 Se regardon deqͥ nous ſoumes
233 D’eſtre oꝛgueilleus n’aront talēt
234 Se penſons al’engendꝛement
235 Voir cen’eſt pas choſe ml՚t nete
236 Aup՚mier neſoumes q՚ glete
237 Tant com uiuōs nevalon riēs
238 Leplus c’eſt plain ſac defiens
239 Vn arbꝛerent fuilles ou fruit
240 Mes de nos coꝛps c’oꝛdure tn’iſt
241 Il n’eſt bouche neſibiau nes
242 Dont il n’iſſe d’oꝛdure aſſes
243 ⁊ tantoſt cō nous ſōmes moꝛs
244 Vous poes ſauoir que lecoꝛs
245 Put plus q՚ d’autre criature
246 Les u՚s font denous leꝛ̃ paſture
247 Pour ce eſt (il )fol qͥ ſ’oꝛgueilliſt
248 Afiner me cōuient mon dit
249 Duſamedi ſe diex me ſaut
250 A cel iour laſemainne faut
251 Leſamedi ſi pꝛent ſon non
Folio 86r
252 Deſaturnus et nous trouuon
253 Qu’il n’eſt eſtoille ſi diuerſe
254 Ꝯme elle eſt et pource i’enu՚ſe
255 Seur li l’eſtat depourete
256 Trop ia de diuerſite
257 Car cil eſt poure d’eſperit
258 A qui pourete enbeliſt
259 Poures ia d’autre maniere
260 Qⁱ n’ont derien pourete chiere
261 Car ml՚t voulent՚s ſeil pooiēt
262 Riches et puiſſans deuendꝛoiēt
263 Mes il n’i puent auenir
264 On uoit bien poure deuenir
265 Aucunes gens ꝑ meſcheance
266 ⁊ les autres ꝑ leur enfance
267 Qⁱ ne veulent leur amis croire
268 Les vns ſunt poures ꝑ trop boire
269 Les autres par legieu du de
270 Quant ſeueoient apourete
271 Il maugreent ſaintes et ſains
272 Les autres ꝑdent pies ou maīs
273 Ꝑ meffet ou par maladie
274 Aucuns muſars ꝑ leur folie
275 Se des eſperent bien ſouuent
276 Ceus ſunt poures ꝑfetemēt
277 Car il ꝑdent le coꝛps et l’ame
278 P˞ ce tout hōme ⁊ toute fame
279 A qui diex a pꝛeſte auoir
280 Doit confoꝛter aſon pouoir
281 Ceus c’ō uoit qͥ en ont meſtier
282 Mes l’un ne veut mes l’autre aid՚
283 Diex .i. petit deſecourance
284 Gete hōme de deſeſperance
285 Roys alixandꝛes eſt fines
286 Les biaus dons neſunt mes donēs
287 ⁊ ſ’on donne ieuous creant
288 Si n’eſce foꝛs qu’ēretraiant
289 S’un bouriois ou .i. chꝛ՚
290 Donne ſarobe a .i. barbier
291 Ou a .vn. autre meneſtrel
292 Il couuiēt qu’il ſerue a l’oſtel
293 ⁊ ifera mainte coꝛuee
294 Tant qͥl maudira laioꝛ̃nee
295 Qu’il pꝛiſt la rōbe car plus ch՚e
296 Li couſte q՚ d’une ſerpiere
297 Douce gent petit vaut tel don
298 Tel don reſemblent aulion
299 Car qñt lelion veut mengier
300 Les beſtes pꝛent foꝛt ahuchier
301 Elles iuiennent ſans reſpit
302 Celle pꝛent qui li abelit
303 Quant toute ne la puet uſer
304 A vn autre laua doucier
305 Mes ſ’il auient al’endemain
306 Q՚ li lion n’ait point defain
307 Tantoſt labeſte mengera
308 A qui ſon remaināt donna
309 Son don n’eſt gueres ˞pfitable
310 Oꝛ oes .i. mot tant notable
311 Vous ueez leiour des eſtrenez
312 Qⁱ on p՚ſente les douſennez
313 Defourmages eſgñs meſons
314 Dont on renuoie cras chapōs
315 Ian’i alaſt on riens poꝛter
316 Se on n’ēcuidaſt amender
317 Tiex dons pleſent petit adieu
318 Mes ce c’on donne decuer pieu
319 El non de tres dous ihu՚ criſt
320 C’eſt le don qͥ uient apꝛofit
321 Car a .c. doubles eſt rendes
322 Mes vns uſages uenus
323 Q՚ l’en let les poures iuner
324 ⁊ fait on les biaꝰ dōs donn՚
325 A ceulz qͥ ont nul meſtier
326 Pour ce dit on enrepꝛouuier
327 C’eſt aucras poꝛcel lecul oīdꝛe
Folio 86v
328 Enlafin demon dit veil ioindꝛe
329 Vn mot que ie ai maīte foys
330 Pource te donne demes pois
331 Que detes feiues ueil rauoir
332 C’il uous ſemble que iedi uoir
333 Se m’en crees ſeurement
334 ⁊ ſe uous aues aiſement
335 Si me fetes aucun confoꝛt
336 Diex uous gart deuilaīne moꝛt