← Back to Index Go to critical →

La panthere d’amors

Edition type: diplomatic | Status: near-complete | Starting folio: 153v

In the critical edition, punctuation has not yet been modernised and line breaks have not yet been standardised.

Folio 153v
1 A dame bele et bone et ſage
2 Noble de cuer ⁊ de lignage
3 Cilz qⁱ ſon doꝰ non volt eſcrire
4 Q՚ ꝑ ce ne puiſt de meſdire
5 Aus meſdiſans ouurir la voie
6 En lieu de ſa lu li enuoie
7 Sō cuer et toute ſa pēſee
8 Auec ceſte oeure q՚ rimee
9 A pour li eſpeciaum̄t
10 Mais cōm̄t q՚ pͥncipaum̄t
11 L'ait poꝛ li faite ⁊ acōplie
12 Toute voies ne l'oſe mie
13 Droitem̄t a lui ēuoier
14 Car il ne veult pas auoier
15 Les enuieus de mal pēſer
16 Ains les en veult
17 S'il puet tenſer
18 Et ſi ne ſcet auſſi de voir
19 S'ele le vouldꝛoit receuoir
20 Sil'ēuoie en pluiſeurs ꝑties
21 A des amis a ſes amies
22 Et a toꝰ ceꝰ gen՚alm̄t
23 Qⁱ aīment biē ⁊ loiaum̄t
24 Poꝛ ce ꝑ pluiſeurs li ēuoie
25 Qⁱl veult qu'ē aucū lieu le voie
26 Cele pour qui fu cōmēcie
27 Et moiēne et ꝑfoꝛnie
28 Car qñt la verra ou oꝛra
29 Aꝑtem̄t ſauoir poꝛra
30 Q՚ poꝛ ſ'amoꝛ aeſte faite
31 Car de tel choſe
32 A de dens traite.
33 Q՚ veoir poꝛra clerem̄t
34 Q՚ c'eſt fait poꝛli ppꝛem̄t
35 Ne nulz autres ne le ſaura
36 Se ꝑ li n'eſt ne ia n'aura
37 Pooir q՚il ſ'en aꝑcoiue
38 Si li pꝛi q՚le en gre recoiue
39 Q՚ poꝛ li l'ay ēpꝛis a faire
40 Car moult eſt franche
41 Et de bonnaire.
42 Et puis cōmēce a ſa matiere
43 Qⁱ cōmēce en ceſte maniere
44 Seignoꝛ i'ai oy des m'ēface
45 Q՚ ſa gc̃e fiſt demouſtrāce
46 Aucune fois de verite
47 Poꝛ ce mes mos ay recite
48 Que voloir de dire
49 .I. ſonge ay.
50 N'a pas gramment
51 Que le ſoniay.
52 Une nuit ē tēps de moiſſōs
53 Eſtoie en mō lit aſoiſſōs
54 Foꝛm̄t du cuer pēſis ꝑm'ame
55 Ce fu la veille nr՚e dame
56 Ꝯ appella l'aſſūption
57 Penſant en bone entenciō
58 Q՚ loīg de mō pais eſtoie
59 Ne pas toſt venir n'i pooie
60 En cele nuit me fu auis
61 Q՚ ie fui ꝑ oiſiaꝰ rauis
62 Et poꝛtez en vne foꝛeſt
63 Q՚ loꝛs eſtoit ⁊ ēcoꝛe eſt
Folio 154r
64 S'ele eſt tele cō ie cuidoie
65 Q՚ elle eſtoit qñt ie ſonioie
66 Plaīne de beſtes ml՚t diu՚ſes
67 Verdes iānes bleues et ꝑſes
68 Noires faunes yndes les vnes
69 Blanches et noires Rouges bꝛunes
70 Et les autres d'autre man՚e
71 La auoit maīte beſte fiere
72 Lyons liepars ⁊ autres beſtes
73 Faiſans ꝑ le bois Grans tempeſtes
74 De ſangles ⁊ de poꝛs ſauuages
75 Retentiſſoit tous Li boſcages.
76 Ours y auoit et vnicoꝛnes
77 Et autres beſtes qⁱ ont coꝛnes
78 Que dains cheuriaus Sauuages bous
79 Qⁱ d'arbꝛiſſiaus bꝛouſtent Les bꝛous.
80 Aueq՚s les ſauuages beſtes
81 Et ſ'i auoit connīs ⁊ lieures
82 Leus et gourpis ⁊ h՚icons
83 Qⁱ ont poīgnās les pelicōs
84 Et autres q՚ nōmer ne ſai
85 N'ē ramēbꝛace ne les ay
86 Poꝛ la plēté q՚ i'ē veoie
87 Ainſi qu'ē pēſer eſtoie
88 .I. po regardai deu՚s deſtre
89 Ilec vne beſte vi neſtre
90 Q՚ l'ē veoit d'une valee
91 Qⁱ eſtoit d'oꝛties fermee
92 De rōces ⁊ de foꝛt eſpines
93 Poꝛ coi toutes Beſtes voiſines.
94 Redoutoiēt foꝛm̄t a faire
95 En la valee loꝛ repaire
96 Qui de la beſte la faiture
97 Poꝛroie deuiſer gñt cure
98 Conuēdꝛoit metre au racōter
99 Et ſi ne poꝛroit riens mōter
100 A ce c'ō peuſt biē deſcrire
101 Sa biaute tāt ya a dire
102 D'une choſe me merueilloie.
103 Qñt cele beſte regardoie
104 Qⁱl n'i auoit beſte nis vne
105 Tant fuſt eſtrāge ne ꝯmune
106 Q՚le n'euſt de loꝛ coulour
107 Tant receuoit elle du lour
108 Sans faire a elles Nul domage.
109 Ml՚t regardai ꝑ le boſcage
110 Mais ie ne vis nis vne beſte
111 Qⁱ a cele ne feiſt feſte
112 Ꝑ ſamblāt pas ne le haoiēt
113 Car aleur pooir l'apꝛochoiēt
114 V՚s li toꝛnoiēt loꝛs ſentiers
115 Tant l'a ˞pchoiēt volent՚s
116 Poꝛ l'amoꝛ de ſa douce alaine
117 Car douce eſtoit et bone ⁊ ſaīne
118 Poꝛ ſ'alaine qui en iſſoit
119 De treſtoꝰ mauls
120 Les guariſſoit.
121 Poꝛ ce toutes cōmunaum̄t
122 Les ſuiuoient foꝛs ſeulem̄t
123 Li dꝛagons qui ne la poꝛroit
124 Sentir poꝛ ce q՚ il moꝛroit
125 Tātos qⁱl ſētiroit l'a laīne
126 Qⁱ les autres a ſāte maīne
127 Car en li tant venin habōde
128 Qⁱl ne puet ſētir choſe mōde
129 Poꝛ ce qñt ſauoit ſa venue
130 N'i auoit puis regne tenue
131 Mais a gñt erre ſ'ē toꝛnoit
132 Es leus de ſers ⁊ deſtoꝛnoit
133 Toutes les beſtes miex valoiēt
134 De ſa doucour qñt l'i trouuoiēt
Folio 154v
135 Pour quoie chaſcus biē dire ē doit
136 E q՚chaſcune en amendoit
137 Tele beſte ſoit beneoite
138 Ꝑ cui a biē faire conuoite
139 Chaſcune beſte qui le voit
140 Et qñt ainſi ouure auoit
141 La beſte ꝑ gñt atēpꝛāce
142 Receuoit ꝑ ſa ſouſtenāce
143 Et ſans plus q՚ l'ē conuenoit
144 Treſtout ainſi ſe maītenoit
145 Et puis aloit en ſō repaire
146 Sans fair aus
147 Autres nul cōtraire
148 Et qñt les autres ne venoiēt
149 Tantoſt cele place leſſoient
150 Si ſ'ē aloient l'autre ꝑt
151 Si cō foꝛtune les deꝑt
152 Qñt du lieu furent deſeruees
153 Les beſtes ⁊ ailloꝛs alees
154 Loꝛs demoꝛai ſās ꝯpaignie
155 Si fui en grant merancolie
156 Ꝯm̄t aucun trouu՚ poꝛroie
157 Q՚ de ce q՚ veü auoie
158 Me deiſt la ſignifiāce
159 Ie n'i fis gueres d'arreſtāce
160 Qñt ie de dens le bois oy
161 Tel choſe qui ml՚t m'eſioi
162 Car i'oi ſi gñt melodie
163 C'onq՚s tele ne fu oye
164 En citoles ⁊ ē vieles
165 Oy faire notes nouueles
166 Danſes et ſons poiteuinois
167 Oy encoꝛs ſarrazinois
168 Tymbꝛes yauoit
169 Et arainnes
170 Pſalteriōs muſes douceīnes
171 Cheuretes buiſines taboꝛs
172 Dōt moult me plaiſoit li laboꝛs
173 Inſtrum̄s de toutes man՚s
174 Y auoit ⁊ a vois plenieres
175 Chātoiēt cil qͥ les menoiēt
176 Et qⁱ biē faire le ſauoiēt
177 Chacōnetes ml՚ coitem̄t
178 Et ml՚t tres enuoiſieem̄t
179 Chatoiēt motes ⁊ ꝯduis
180 Si cōme cilz qⁱ les ꝯduis
181 N'auoient pas trop ēcōbꝛier
182 Mais de ruine deſcōbꝛiers
183 Et de tout ce qⁱ les pot nuire
184 Ml՚t eſt bōs meſt՚rs qui ſcet d'iure
185 Sages a faire tele feſte
186 Et ſi ioieuſe cōme ceſte
187 Ap՚s qñt oy la ioie
188 Q՚ ſi volētiers eſcoutoie
189 Et qui biē me deuoit ſeoir
190 Loꝛs me pꝛiſt gñt fain de veoir
191 Ceulz qⁱ de ioie maītenir
192 Soꝛent ſi biē a chief venir
193 .I. po me pꝛis a a couter
194 Soꝛ l'erbage pour eſcout՚
195 Q՚l ꝑt la vois de ceulz oye
196 Poꝛ toꝛner la tout dꝛoit
197 Ma voie.
198 Foꝛm̄t alay plus n'y aii
199 Deu՚s le bois ſi regardai
200 Et vi uenir la cōpaignie
201 Q՚ tant auoit conuoitie
202 Menāt gñt ioie ⁊ gñt deduit
203 Ml՚t bien eſtoient de ce duit
204 Tuit cil qⁱ la erēt venu
205 Gñt et petit gros et menu
206 Qñt ie les vi i'ai oï gñt ioie
207 Qu'a paines dire le poꝛroie
208 (Car i'auoie gñt appetit)
209 Si m'apꝛochai d'ex .i. petit
210 Car i'auoie gñt apetit
211 Et gñt deſirrier du ſauoir
212 Se ꝑ l'un d'eulz poꝛroie auoir
Folio 155r
213 La dꝛoite interpꝛetation
214 Et la vois doucem̄t oÿ
215 En mō cuer foꝛm̄t le pꝛiſoy
216 Et cil a dit biē auiſai
217 Qⁱl eſtoien̄t de gñt afaire
218 Car de ſamie ou de tartaire
219 Ou de dꝛap d'oꝛ de gñt value
220 Auoit chaſcūs robe veſtue
221 Et foꝛrees de vairs menus
222 Tous ceulz qⁱ la furent venus
223 En oꝛdꝛe treſtout en alant
224 Doy et doi aloient balant
225 Li vn et li autre dancoiēt
226 Li autre doi ⁊ doi iouſtoient
227 Et li autre alaiēt chātāt
228 De ce me vois ie biē vantāt
229 Ꝯq՚s plus bele cōpaignie
230 Onc d'oꝛeille ne fu oye
231 Ne qⁱ miex peuſt eſtre oye
232 De faire feſte en nule guiſe
233 Entre les autres voi venir
234 .I. home qⁱ biē maītenir
235 Se ſot a guiſe d'ome noble
236 Et deſſi en conſtētinoble
237 N'ot plus bel nul ie croi de li
238 Poꝛ coi aſſez plꝰ m'abely
239 A biē regarder en figure
240 Et ſa biauté et ſa faiture
241 Il eſtoit tiex ꝯ ie dirai
242 Q՚ ie de mot n'ē mētirai
243 En li de meſſeant n'a poir
244 Drois eſtoit gros
245 Et lons apoint
246 Et ot couloꝛ vnie ⁊ v՚meille
247 Au regarder oÿ gñt m՚ueille
248 Dont tel creatur venoit
249 En ſa maī .i. ſceptre tenoit
250 Qⁱ eſtoit ml՚t et bele et bone
251 Et ot ou chief vne courōne
252 D'oꝛ ⁊ de pierres p՚cieuſes
253 A regarder ml՚t deliteuſes
254 Cheueus ot qⁱ biē li ſeoiēt
255 Et auſſi cōme oꝛ reluiſoient
256 Et auoit robe d'un dyapꝛe
257 Nō pas trop rude ne trop aſpꝛe
258 Mais ſi bō cōme l'ē pot faire
259 Ie n'ē ſai nul de cela faire
260 N'il n'ē eſt nul mien eſcient
261 Ouurez de pelles d'oꝛient
262 Ert de beſtes ⁊ a oyſiaus
263 Ml՚t eſtoit biaꝰ li damoiſiaꝰ
264 Et la cote moult ēuoiſie
265 Encoꝛ eſtoit elle aufroiſie
266 D'un riche oꝛfroy ml՚t noblem̄t
267 Ou il ot aſſis coītem̄t
268 Saphirs et maīte bone pierre
269 Cil qui eſtoit ſi enuoiſiez
270 Et ſi coītem̄t oꝛfroiez
271 Eſtoit mōtez ſoꝛ .i. deſtrier
272 Dont li loꝛain ⁊ li eſtrier
273 Eſtoient treſtout d'oꝛ maſſis
274 De la ſele ou ert aſſis
275 Eſtoiēt li arcō d'yuoire
276 Si bel qu'ēuis le poꝛriez croire
277 Poitral cengles ie q՚n diroie
278 Tuit eſtoient de cuir de ſoye
279 Les paniaus de ſamis eſtoiēt
280 Tel cō ala ſele afferoiēt
281 Et du deſtrier en nule t՚re
282 Nul plus bel ne peuſt on q՚rre
283 iij. chl՚rs poꝛ li ꝯ duire
284 Si q՚ nul ne li peuſt nuire
285 Auoit entour lui
286 L'un a deſtre.
287 Li autres eſtoit aſeneſtre
288 Et li tiers qⁱ biē auenoit
289 Eſtoit a pié ⁊ ſi menoit
290 Ꝑ les reſnes le damoiſel.
Folio 155v
291 Ꝑ la chantoient li oiſel
292 A haute vois ſi doucem̄t
293 Ꝯ ſe diex y fuſt ˞ppꝛem̄t
294 Apꝛez en cōpaignies beles
295 De dame ⁊ de damoiſeles
296 De chl՚rs ⁊ d'eſcuiers
297 Et de clers la fu li huiers
298 Et li eſbatres de ſaiſon
299 Et li iouers car ꝑ raiſon
300 Cil doiēt mener bone vie
301 Qⁱ ſont en bone cōpaignie
302 Gens de toutes ꝯdicions
303 Et oꝛent loꝛ ententions
304 D'enſuiuir toute loiaute
305 Et n'ot en eulz crueuſete
306 Qñt i'oi tout ceſt a trait veü
307 Et leur couuine ꝑceu
308 Poꝛ ce qu'a eulz ꝑler voloie
309 Me mis ie ſi de dens leur voie
310 Qⁱl me virent p՚mierem̄t
311 Loꝛs ſaluai aꝑtem̄t
312 Celui qui diex la ſeignoꝛie
313 Auoit et puis la ꝯ paignie
314 Apꝛez moi gaires n'atendi
315 Et me diſt diex te ſault amis
316 Qⁱ es tu et qui t'a cy mis
317 Et ie qⁱ de mētir n'oi cure
318 Li cōtai toute m'auēture
319 Tout ce q՚ i'auoie veü
320 Li dis au miex q՚ i'ai peu
321 Des beſtes q՚ veü auoie
322 Li dis tout ce q՚ ie ſauoie
323 Et cōm̄t ꝑ la ſouatume
324 Qⁱ de l'une iſſoit ꝑ couſtume
325 Toutes les autres la ſuiuoiēt
326 Et cōm̄t elles ſ'en aloient
327 Qñt cele beſte de bōnaire
328 S'en retournoit
329 En ſon repaire.
330 Qñt mon cōte li oy conte
331 Et il l'ot ꝑ ſa grant bōte
332 Eſcoute moult courtoiſem̄t
333 Loꝛs m'a pela ml՚t doucem̄t
334 Et ſi me dit ſe ie cuidoie
335 Et biē aſſeur en eſtoie
336 Q՚ mō biē fait a deſeruir
337 Vouſſiſſes biē ⁊ moi ſeruir
338 Le cuer outreem̄t auoir
339 Ie te feroie biē ſauoir
340 La volēté de ce q՚ qⁱers
341 Et ēcoꝛ ſe tu me reqⁱers
342 Et tu a moy.
343 Veulz faire homage
344 Ie te farai de ce biē ſage
345 Qñt ie l'oy ie li di ſire
346 Qui vous eſtes
347 Me veilliez dire
348 S'il vous plaiſt
349 Auis que vos hōs ſoye
350 Car trop enuis
351 Hons deuendꝛoie
352 A hōme q՚ ie ne cōnuſſe
353 Q՚l domage q՚ g'y euſſe.
354 Loꝛs diſt et ie le te dirai
355 Et tō cuer (cuer )en aſſouuirai
356 Car il a en toi ce me ſamble
357 Bien foy et loial
358 Ce me ſamble
359 Amis ie ſui li diex d'amoꝛs
360 A cui amāt font leurs clamoꝛs
361 Leur cōplaītes ⁊ loꝛ pꝛoieres
362 Et ſi ſui cilz qⁱ loꝛ pꝛoieres
363 Fai embꝛacier humilite
364 Ou mont n'a ville ne cite
365 Chaſtel ne bourc
366 Ne manantie
367 Q՚ ie n'aye ſeignoꝛie
368 Si fais les oꝛgueilloꝰ cheoir
Folio 156r
369 Ie fais les hūbles hault ſeoir
370 Ie fais biē des couars hardis
371 Et les hardis acouardis
372 Ie reſpaſſe les cōbatans
373 Ie ſui les plus cois eſbatans
374 Ie fais aus nices ſens auoir
375 Ie fai bien ceulz qⁱ ont ſauoir
376 Et les riches fais beſoigneꝰ
377 Ie fais pēſer les
378 Maulz ſoigneus
379 Qñt il me viēt biē a talēt
380 Nul ne puet a mō maltalēt
381 Cōtreſter tāt ai gnt hautece
382 Ie ſai biē enſeignier largece
383 Ie fai biē les plꝰ ſaīs doloir
384 Ie fai de toꝰ a mō voloir
385 Ie fais plus ꝯne puiſt cuidier
386 Deuant moi fait toꝰ ioꝛs voidier
387 Ie fai merueilles trop aꝑtes
388 Qñt ie veil biē ouurer a certes
389 Oꝛ pues tu biē aꝑceuoir
390 Qⁱ ie ſui et ſauoir de voir
391 Q՚ ie puis toute choſe faire
392 Si ne te dois mie retraire
393 De toſt entrer ē mō ſeruice
394 Car tu t'ē tētoies poꝛ nice
395 En la fin car nulz ꝑ hauſſage
396 Ne poꝛ auoir ne p˞ lignage
397 Sus moi riēs ne cōq՚ſte a foꝛce
398 De moy ſeruir donq՚s t'effoꝛce
399 Ne iamais ne t'ē eſcōdis
400 Qñt l'oy ce ſi reſpondis
401 Sire ꝑ vr՚e courtoiſie
402 Vꝰ pꝛi qu'il ne voꝰ ēnuit mie
403 Se ie me ſui tant deffendus
404 Car pieca me fuſſe rēdus
405 A voꝰ ſe ie voꝰ cōgneuſſe
406 Et ſe le vr՚e nō ſceuſſe
407 Voſtre pooir biē ꝯnoiſſoie
408 Poꝛ ce q՚ ie ſentu l'auoie
409 Mais ſi toſt con ie le ſēti
410 A vous ſeruir me cōſenti
411 Et v՚s voꝰ eſt mes cuers dōnez
412 Poꝛ dieu ſi le me ꝑdōnez
413 Se i'ai meſfait car biē recoꝛde
414 Voꝰ requier ie miſericoꝛde
415 Car de verite biē ſauez
416 Qⁱ voꝰ pieca mō cuer auez
417 LI diex d'amoꝛs loꝛs deſcendi
418 Et ie mes maīs loꝛs li tēdi
419 Sideuīg ſes hōs ligem̄t
420 Puis me diſt ml՚t coꝛtoiſem̄t
421 Amis tu as eü domage
422 En ce que q՚ tu as tō coꝛage
423 V՚s moy ſi lōguem̄t cele
424 Loꝛs dis ⁊ ꝯm̄t reuele
425 Le voꝰ euſſe ie biau ſire
426 Loꝛs me pꝛiſt ē riāt a dire
427 Amis dames et damoiſeles
428 A ml՚t ꝑ le pais de beles
429 Nobles coītes ⁊ ēuoiſiees
430 Qⁱ de ꝑ moi ſont eſtablies
431 A receuoir des bōs des ſages
432 Les ſeruices ⁊ les homages
433 S'aune pieca faite euſſes
434 En nō de moi coītes en fuſſes
435 Ne iamais quites n'ē ſeras
436 Deuant qu'ainſi fait l'aueras
437 Si li reſpondi ſimplem̄t
438 Preſtez moi donq՚s hardem̄t
439 Et ſens q՚ ie puiſſe ce faire
440 En tele maniere
441 Qu'il puiſt plaire
442 A cele a qͥ ie le dirai
443 Q՚ ie poꝛ voꝰ m'ē hardirai
444 Et q՚ ſi gñs biēs m'ē auiēgne
Folio 156v
445 Qu'ē vr՚e non aſien me tiēgne
446 Li diex diſt ſi biē m'os pleu
447 Tout ce q՚ ie en oy veü
448 Que ie mentiēg a bien paie
449 De tant que ie t'ai eſſaie
450 Auec moy .i. po en vendꝛas
451 Et tout errāment apꝛēdꝛas
452 De t'auiſion gñt ꝑtie
453 Et ſauras q՚le ſenefie
454 Li diex ſoꝛ le deſtrier mōta
455 Q՚ tous les autres ſeurmōta
456 Et me fiſt baillier .i. cheual
457 Si me mena delez le val
458 La ou la bele beſte ala
459 Mais poy d'autres beſtes yala
460 Car la valee eſt ſi voloſe
461 Q՚ nule autre eſtre n'i oſe
462 Tant ſoit fiere ne gñt ne groſſe
463 De dens le val ot vne foſſe
464 Ou la beſe ſe repoſoit
465 Mais la mule aler n'oſoit
466 Li diex loꝛs me mouſtra la beſte
467 Qui moult eſtoit
468 Bele et honneſte.
469 Et dſſt vez la vne panth՚e
470 Oꝛ me conte verite frere
471 Eſt ce la beſte q՚ veis
472 De qui tant de biē me deis
473 Ie li reſpondi oil ſire
474 Oꝛ me veilliez ſ'il voꝰ pleſt dire
475 Ꝑ amoꝛs et ꝑ coꝛtoiſie
476 De treſtout ce q՚ ſenefie
477 Oꝛ me ſoies diſt il entiers
478 Ie le te dirai volētiers.
479 Amis la beſte qui eſt bele
480 Et noble ſenefie cele
481 Dont ſi deſrrez a ſauoir
482 Q՚ ſ'amour peuſſe auoir.
483 Et ie te dirai la miſtere
484 Car tout auſſi cō la pāthere
485 Eſt d'autres beſtes renōmee
486 Auſſi eſt cele en ſa cōtree
487 Des coulours qⁱ es beſtes erent
488 Et qⁱ en la panth՚e aꝑpent
489 Te dira la ſignifiāce
490 Ce ſenefient l'a bōdāce
491 Des v՚tꝰ qⁱ enli demeurēt
492 Qⁱ ml՚t l'amēdēt ⁊ honeurēt
493 Car poꝛ voir toutes gc̃es bōnes
494 Q՚ en toutes autres ꝑſones
495 Sōt cōmunem̄t eſpādues
496 A en ſō coꝛps ſeul retenues
497 Si veil q՚ le ſamblāt t'aꝑe
498 Car auſſi cō d'une pāth՚e
499 A en li de chaſcune beſte
500 La colour ſās faire moleſte
501 Ta dame en tel man՚e tient
502 Les g˜es qñt tō coꝛps retiēt
503 Sans ce q՚ nul domage face
504 Aus autres car poꝛ ce de gc̃e
505 Ne de v՚tu n'ōt mie mains
506 Ne t'eſmaies ſe tu remaīs
507 Poꝛ li ſeruir .i. po en paine
508 Oꝛ enten et ie de l'a laīne
509 De la beſte te cōterai
510 Et le voir t'en expoſerai
511 La beſte qⁱ eſt douce ⁊ bōne
512 Qⁱ au malades ſ'amoꝛ dōne
513 Poꝛ coy les beſtes le ſuiuoiēt
514 Qⁱ la grant doucoꝛ ē ſētoiēt
515 De cele qͥ de vrai cuer aīmes
516 Et poꝛ qui tō ſeignoꝛ me claīmes
517 Ce ſe nefient les ꝑoles
518 Qⁱ ne ſont ne nices ne foles
519 Mais ſages et biē atēpꝛees
520 Et de raiſon biē couu՚nees
521 Et il y pert biē ſans doutāce
522 Chaſcūs volēt՚s les eſchāge
523 Car la ſamblāce n'eſt pas vaīne
524 Car pole ſi eſt alaine
525 CE q՚ l'a laīne ſ'iſſoit
526 De la panth՚e gariſſoit
Folio 157r
527 De cele a qui tu es pꝛiſons
528 Sans eſtre en buies ne ē fers
529 Tout ainſi gueriſt les enfers
530 Nulz n'eſt ſi plains de vilēnie
531 D'oꝛgueil d'outrage ne d'enuie
532 Se tu la veulz bien eſcout՚
533 Que ne la ſache hoꝛs bouter
534 Tous maulz et entēdꝛe
535 A bien faire.
536 La fault il biē pꝛēdꝛe exāplaire
537 Pour guerir de ſi gñt domage
538 Et d'oꝛgueil d'ēuie ⁊ d'oꝛage
539 Le dꝛagon qui ne puet ſētir
540 La douce alaine ſans mētir
541 Senefie les ēuieus
542 Enuenimez et ēnuieus
543 De qui furent toutes ꝑſones
544 Qⁱ ia cōtent ꝑoles bones.
545 Poꝛ ce de duel creueroiēt
546 Se il aucū biē dire oient
547 Si ſ'en fuit cele get deſpite
548 Es liex deſers ou nulz n'abite
549 Foꝛs ceulz de loꝛ condition
550 Ceulz dōt ie te fais mention
551 Engendꝛa oꝛgueil en enuie
552 Ꝑ deſpit et ꝑ vilōnie
553 Qⁱ en firent les aliāces
554 S'ē valent pis les acoītāces
555 Car les ꝯdicions du ꝑe
556 Retiēnent biē ⁊ de la m՚e
557 CE q՚ ſi atēpꝛem̄t
558 Retiēnent ſō ſouſtenem̄t
559 La beſte et tātoſt ſ'en aloit
560 Q՚ de riens plus ne li chaloit
561 Ce ſenefie l'atē pꝛāce
562 De cele de qui l'acoītāce
563 Te met d'amer en volēté
564 Tant vois de biē enli plāte
565 Car atēpꝛeem̄t iouer
566 Veult en eſbatre ⁊ a iouer
567 Sō tēps ⁊ ſes fais ⁊ ſes dis
568 Sans vilōnie et ſans meſdis
569 En toute riēs eſt cōtēpꝛee
570 Veult ſ'ē doit eſtre miex amee
571 Le te veil dire ala ꝑcloſe
572 De la valee qⁱ encloſe
573 Eſt de rōces auec oꝛties
574 Et d'eſpines biē apoīties
575 Et de la foſſe q՚ deſcrire
576 Veil de chaſcun q՚ c'eſt a dire
577 Tant ſcet biē chaſcuns de l'oꝛtie
578 Q՚ ꝑmi robe ne poīt mie
579 Et aucun ſe trueue en tel poīt
580 Qⁱ eſt ſan robe ſile poīt
581 A ce l'amoureuſe pensee
582 Puet et doit eſtre cōꝑee
583 Car poīt ne blece les veſtus
584 Qñt de ſon cuer eſt deſueſtus
585 Aucūs loꝛs les poīt ⁊ aſſault
586 Ml՚t font a doubter tel aſſault
587 La ronce point ⁊ ſi ahert
588 Si foꝛt qu'ēuis ſe deſahert
589 Nulz qui ens ſe ſoit embatus
590 Qⁱl ne chiee et ſoit abatus
591 Cilz de ſirs la rōce reſamble
592 Car cil qui a deſir ſ'aſſamble
593 Il ſoufferroit plꝰ d'ū mētir
594 Ains qu'il ſ'en peuſt deꝑtir
595 Sās mal ſouffrir ne deſtoꝛbāce
596 Poꝛ deſtoꝛber car ſās doubtāce
597 On va enuis arrier geſir
598 De ce de quoi on a deſir
599 Par les eſpines qͥ ſi poignēt
600 Q՚ toutes beſtes
601 Les reſoignent
602 A faire en tel leur loꝛ repaire
603 Ou la bele beſte repaire
604 Dois les meſdiſans ſuſpoſer
605 Qⁱ ne ſe veulent repoſer
606 Du mal noncier ⁊ entre metre
607 Toꝰ joꝛs ſe veulent entremettre
608 De males nouueles poꝛter.
Folio 157v
609 Chaſcūs poignēt et aguillonēt
610 Et pour voir a entēdꝛe dōnet
611 Ce qui ne puet eſtre pꝛouue
612 C'eſt li fus qu'il ont controuue
613 N'il n'eſt ꝑ sōne nule nee
614 Tāt ſoit de bone renōmee
615 Ne nulz tāt ſoit de biē garnis
616 Qⁱl ne ſoit ꝑ lui eſcharnis
617 Se plus ne ſe pueēt greuer
618 Ou plus mauuais los aleuer
619 Tāt ſōt de maluaiſe doctrine.
620 A l'aſſamblāce de l'eſpine
621 Q՚ ceulz veult plus ē ꝑfōt poīdꝛe
622 Et qñt a eulz pis ne puet faire
623 Qⁱl ſe cuident arriere traire.
624 Si pꝛēt leur robe ⁊ le deſpiece
625 Et ſouuent en detiet la piece
626 Ainſi fait a autrui domage
627 Et ſi n'ia poit d'auātage
628 Tout ainſi font li meſdisāt
629 De leurs faus mos
630 Et ꝑ loꝛ maluaiſe ꝑole
631 Qⁱ les bōs ſās raiſon a fole
632 Tele gent ſoit arſſe ⁊ bꝛulee
633 Qⁱ oſte bone renōmee
634 Et font tenir a vilōnie
635 Ce qͥ eſt biē ⁊ coꝛtoiſie
636 Ce n'eſt pas m՚ueille ſās doute
637 Se male gent ⁊ ſi eſtoute
638 Cartiex eſpines ꝑilleuſes
639 Sont a ſeruir et trop
640 Crueuſes.
641 OR entent deuine pēſee
642 Ie te dirai de la valee
643 La ou la bele beſte habite
644 Qⁱ ꝑ ſō nō pāth՚e eſt dite
645 La valee pour v՚ité
646 Senefie humilite
647 Ou tele q՚ ues cuers demeure
648 Cōme en ſō ˞ppꝛe lieu demeure
649 Oꝛgueil maintiēnēt hautem̄t
650 Et humilitez baſſem̄t
651 Poꝛ tant puet eſtre ꝯꝑee
652 Humilitez a la volee
653 Ꝑ le mōt auſſi ſās meſpꝛēdꝛe
654 Puet on le mot d'oꝛgueil ētēdꝛe
655 Hōnie ſoit tele mōtaigne
656 Nulz n'i mōte qⁱ ne ſ'ē plaigne
657 Qⁱ le mont d'oꝛgueil velt mōter
658 Entre les folz ſe puet conter
659 Q՚ ꝑ ſon fol outre cuidier
660 Se fie ſi en ſon cuidier
661 Qⁱl enchiet ap՚s en la m՚de
662 Car qui mal fait
663 Drois eſt qu'il perde
664 Cele pas ſi ne te maītiēt
665 Qⁱ ta ſante en ſa maī tiēt
666 Ains ſe maītiēt hōneſtem̄t
667 Entre la gent et ſagem̄t
668 Au val d'umilite ſ'eſleſſe
669 Et le mōt d'oꝛgueil fuit ⁊ leſſe
670 OR eſt tēps q՚ ie te deuiſe
671 De la foſſe qui eſt aſſiſe
672 En la valee deſſus dite
673 Qⁱ ꝑ moy t'a eſte deſcripte
674 Et en le panthere repͥſe
675 Si t'ē dirai aucune choſe
676 Ꝑ la foſſe enten la ſīplece
677 De cele qⁱ ꝑ ſa noblece
678 Et ꝑ ſa bōne renōmee
679 Et tout tō cuer ⁊ ta pēſee
680 La foſſe la valee paſſe
681 En ꝑfondete ⁊ eſt plꝰ baſſe
682 Auſſi cil qui a la dꝛoite adꝛeſſe
683 Et la voie tient de ſimplece
684 Il doit humilite auoir
Folio 158r
685 Et plus encoꝛ ce dois ſauoir
686 Le plus eſt qñt ala deſcueure
687 Ꝑ maītient ſīple et met a oeure
688 Oꝛ ſces tu bien que la valee
689 Eſt hūilite comparee
690 Dont ſe ie ſimplece apꝑeille
691 A la foſſe ne t'en merueille
692 Et ſ'eſt biē ꝑ raiſon aſſiſe
693 La foſſe en la valee eſtruiſſe
694 Car ſīplece eſt ie n'ē doubt mie
695 En humilite herbergie
696 Tu as biē veü en figure
697 Ce que la bele nete et pure
698 Qⁱ a ton cuer entierem̄t
699 Pues veoir tout aꝑtem̄t
700 Oꝛ alons tous eſbanoier
701 Entour la haie et toꝛnoier
702 I'ai cheual de gñt volente
703 Et de doner entalente
704 Qñt ie qui os grant fain d'eſbatre
705 Des eſꝑons le pꝛis a batre
706 Ꝑ deſſus la haie ſailli
707 De gñt paoꝛ l'os treſſailli
708 Qñt ie me vi en la valee
709 Et q՚ la haie oy treſpaſſee
710 Foꝛm̄t les eſpines doutoie
711 Qñt v՚s la valee venoie
712 Mais .i. petit m'aſſeurai
713 De la paour q՚ i'en durai
714 Si m'ē alai ꝑmi le val
715 Tout cōtremōt ⁊ ꝯtreual
716 Tant q՚ i'oi la voie choiſie
717 En la panth՚e eſtoit couchie
718 Ml՚t volētiers le regardoie
719 Mais ſamblāt faire n'ē oſoie
720 Grāt piece illec me repoſai
721 Mais onq՚s mot ſōner n'oſay
722 Q՚ la panth՚e n'ē grouchaſt
723 Ou qu'amoi ne ſe coꝛroucaſt
724 Car me peſaſt ſe groucier
725 Le veiſſe ne coꝛroucier
726 Le me cuidai biē
727 Sans plus faire
728 V՚s ma compaignie retr̃re
729 Mai ie trouuai ſi foꝛt paſſage
730 Q՚ i'ē oy ꝑmi le viſage
731 Et ꝑmi le coꝛps maīte plaie
732 Ꝑ les eſpines de la haie
733 Et de mō cheual m'abatirēt
734 Et de ma robe me rōpirent
735 Qñt ma robe fu de ſciree
736 Soi la char toute bouſſoufflee
737 Les oꝛties qui me poignoient
738 Et des ronces qⁱ tenoient
739 Loꝛs n'ot il en moy qu'airer
740 Car poꝛ ſachier ne poꝛ tirerq
741 Ne m'ē poi onq՚s traire foꝛs
742 Car trop eſtoit la haie foꝛs
743 Tout a ce poīt ainſi m'auint
744 Qu'auec moi le dieu d'amoꝛs vīt
745 Qⁱ de la moꝛt me reſpita
746 Car li cuers ml՚t li apita
747 Qñt ainſi me vit aleter
748 Et me fiſt tātoſt hoꝛs geter
749 Et ſi me fiſt mener arriere
750 Auec lui en vne littiere
751 Ou il auoit fleurs de lis roſes
752 Violetes et autres choſes
753 Qⁱ ml՚t tres bone odour rēdoiēt
754 Et mes doleurs ml՚t m'aleioiēt
755 UN po ap՚s ce m'arreſta
756 Li diex ⁊ ſi me diſt de la
757 Ou tu as eſte q՚ te ſamble
758 Sire dis ie li cuers me trāble
Folio 158v
759 Toutes les fois qu'il m'en ſouuiēt
760 Mais puis q՚ dire le conuient
761 Tout dꝛoit ꝑ mi le voir irai
762 Q՚ ia ne vous en mentirai
763 Qñt i'oi ſailli oultre la haie
764 Qñt ml՚t m'eſbahit ⁊ eſmaie
765 I'alai tant ꝑmi la valee
766 Q՚ la panthere oy retrouuee
767 Mais onq՚s ſamblāt n'ē ſoy faire
768 De ce q՚ tant m'ē pooit plaire
769 Q՚ mō cuer oſter n'en pooie
770 A coꝛroucier tant la doutoie
771 Et qñt ie cuidai reuenir
772 Loꝛs me pꝛiſtrent aretenir
773 Es pines ronces et oꝛties
774 De moi greuer tous aaties
775 Auſſi cōme voꝰ me trouuaſtes
776 Vr՚e m՚ci qñt m'ē getaſtes
777 Li diex me diſt loꝛs doucem̄t
778 Amis poꝛ tō enſaignem̄t
779 Eſt tout ce q՚ tu as veü
780 Auſſi cō ie l'ai biē veü
781 Neent plꝰ q՚ oſas la teſte
782 Tourn՚ enu՚s la bele beſte
783 N'eus tu onq՚s hardem̄t
784 Q՚ deiſſes aꝑtem̄t
785 Ne deſcouuriſſes tō coꝛage
786 A ta dame la bone et ſage
787 Et ſi as eſte aſſaillis
788 Des eſpines ⁊ mal baillis
789 Qⁱ les meſdiſans ſenefiēt
790 Qⁱ des amās toꝰ ioꝛs meſdiēt
791 Auſſi biē q՚ ſe dit euſſes
792 Ce q՚ dire ⁊ faire deuſſes
793 Si te lo q՚ qñt tu ſauras
794 Q՚ toꝰ tēps lieu ⁊ poīt auras
795 Q՚ tu tous tes meſchiez dies
796 Et toutes tes griez maladies
797 Car ſe tu li as deſcouu՚tes
798 Ia n'aura ſi cruel cuer c՚tes
799 Enu՚s toy q՚le ne ſ'e dueille
800 Et q՚ plus de biēs ne te veille
801 Ie ne puis plus oꝛ remanoir
802 Tu ne t'en n'as ē tō manoir
803 Iusqu'atāt q՚ ie te reuoie
804 Mais ie veil q՚ la te ꝯuoie
805 Et cele noble cōpaignie
806 Eſꝑāce qui ne fault mie
807 A ceulz qⁱ de bō cuer aīmēt
808 Et qⁱ de bō cuer le reclaīmēt
809 Dous pēſes ſes loiax amis
810 Qⁱ tout ſō cuer a en voꝰ mis
811 T'ira cōpaignie tenir
812 Aueq՚s le doꝰ ſouuenir
813 Menra qⁱ ſi a poīt le ſert
814 Q՚ ml՚t gñt loier ſi deſert
815 En n՚re chemin en entraſmes
816 A l'oſtel le dieu ē alaſmes
817 Qⁱ tout eſtoit plaī de leece
818 Car ioie ē toꝰ biēs ſ'i adꝛece
819 La ne falloit q՚ ſouſhaidier
820 Se ie biē me peuſſe aidier
821 Ml՚t euſſe eü de delit
822 Mais tātoſt demādele lit
823 Car ml՚t malades me ſētoie
824 Et encoꝛe ml՚t me doloie
825 Es mauls q՚ i'oi eſt choſe vraie
826 Qñt ie fui cheus en la haie
827 Loꝛs vīt doꝰ pēſer eſꝑāce
828 Et ſouſuenirs qⁱ ml՚t ſ'auāce
829 Chaſcun d'eulz poꝛ moi ꝯfoꝛt՚
830 En .i. lit me firent poꝛter
831 Ou ml՚t d'ebatem̄t me firēt
832 Et ml՚t de biaꝰ exāples dirent
833 Loꝛs ml՚t doucem̄t m'apelerēt
834 en tr'eulz .iij. ⁊ m'amōneſterent
Folio 159r
835 Q՚ ie ꝑ amoꝛs loꝛdeiſſe
836 Ma volente et deſcouuriſſe
837 Se de riens eſtoit ma pēſee
838 En loiaus amoꝛs aſſenees
839 Ie leur dis c'on dit fait auoie
840 Ou ma volente demouſtroie
841 Si cōmēcai le dit a lire
842 Si cō voꝰ poez oir lire
843 Qe lo amoꝛs qñt daigne moi atraire
844 A li ſeruir et tous
845 Iours ſans retraire
846 Et a ce m'a ꝑ ſa doucoꝛ mene
847 Q՚ i'ai mō cuer en tel leu aſſene
848 Dont i'e oÿ tāt de bn̄s teſmoignier
849 Q՚ puis auoir pour nule creature
850 Car tant de bn̄s a en li mis nature
851 Q՚ toꝰ li mōs l'en deueroit blaſm՚
852 Si ne m'ē doit nulz ce m'eſt vis blaſm՚
853 S'en li amer ay mis toute m'ētēte
854 Car le bō fruit doit on q՚rre ē bōne ēte
855 Et i'oï chaſcun teſmoignier
856 Qu'elle eſt bonne.
857 Qu'ē puis ie mais ſe mō coꝛps habādōne
858 A li ſeruir de bon cuer de loial
859 Sās ia pēſer faus tour ne deſloial
860 Qñt de chaſcun aſi bon teſmoīgnage
861 C'ō diſt q՚le eſt bone ⁊ coꝛtoiſe ⁊ ſage
862 C'eſt ſans le bien dōt ie croi ma veue
863 Q՚ nature ne la fiſt mie vue
864 Qñt la foꝛma ains le veſti figure
865 De mēbꝛes biaꝰ fais ꝑ dꝛoite nat˞e
866 Chief yex frōt nez
867 Bouche menton enſamble
868 A ſi biē fais q՚ l'eſgard՚ me ſāble
869 Qu'ē li n'a riēs qui a re pꝛē dꝛe face
870 Tāt eſt biē faite ⁊ de coꝛps ⁊ de face
871 Auec ſes biēs ⁊ de tres douce ch՚e
872 Sīple ē regart ⁊ de bele maniere
873 Et ſ'eſt ou poī meillour de ſa ionece
874 Poꝛ li me tiēt amoꝛs ē tel deſtrece
875 Qu'ali ſeruir m'otroi ſans repētir
876 Oꝛ me veil a bone amoꝛ cōſētir
877 Q՚ ie de li ſecours pꝛochainem̄t
878 Mais ie ne voi cōm̄t aleiem̄t
879 Aie de li car ē moi tāt n'a mie
880 De hardem̄t q՚ ie mō cuer li die
881 Aꝑtem̄t. mais qu'ē moi demētāt
882 Ou en chantāt ſi m'ē dueil plꝰ ētāt
883 Q՚ naures ſui ⁊ ne m'ē oſe plaīdꝛe
884 Car la plaie eſt plꝰ gⁱez a reſtraīdꝛe
885 Qñt on ne l'oſe au mire deſcouurir
886 Hé bone amoꝛ car me veilliez ouurir
887 L'uis de pitié dont coꝛtoiſie ē dame
888 Car autrem̄t ne voy mie ꝑ m'ame
889 Ꝯm̄t des mauls puiſſe auoir aleiāce
890 Q՚ i'ai ꝑ biē amer ſās deceuāce
891 Nō pas poꝛtāt q՚ la douce meſaiſe
892 Qⁱ viēt d'am՚ a ſouſfrir ne me plaiſe
893 Ains me pleſt tāt q՚nq̃ de voꝰ me viēt
894 Riens ne me doit ce
895 M'eſt auis deſplaire.
896 Qⁱ de voꝰ ſoit ne tourner aꝯtr̃re
897 Ains voꝰ doit miex ſeruir q՚ ſās mētir
898 Treſtout li mal q՚ voꝰ faites ſētir
899 Aus fins amās ne ſōt q՚ p˞ ſauoir
900 Q՚ c'eſt gñt biē de dō d'amie auoir
901 Car qⁱ des mauls a eü a plēté
902 Le biē recoit de meilloꝛ volēté
903 Si doit chaſcūs vr՚e plaiſir atēdꝛe
904 Car vous poez contre .j. mal
905 Cent biens rendꝛe
906 Voire aſſez plꝰ ꝯ ne poꝛroie nōbꝛer
907 Et ſi poez de toꝰ maꝰ deſtoꝛber
908 Ceulz qⁱ ſeruir veulēt entierem̄t
909 De cuer de coꝛps ſās nul deceuem̄t
910 Poꝛ ce coumēt q՚ me faciez doloir.
Folio 159v
911 Veil ie de voꝰ atēdꝛe le voloir
912 En voꝰ ſeruant de
913 Bon cuer et d'entier
914 Et pour ſi voꝰ pꝛi que
915 Mettez ou ſentier
916 Cele q՚ i'aīg qu'ē pitié me recueille
917 Et q՚ mes maꝰ amenuiſier me veille
918 Et li veilliez deſcouurir
919 Mon martire
920 Car ie ne l'oſe a li dire n'eſcͥre
921 Et la raiſon de ce q՚ ie li oſe
922 De mō pēſer deſcouurir nule choſe
923 Si eſt poꝛ ce q՚ iamais biē n'auroie
924 Se refuſer de madame me oye
925 Cōm̄t ſe puet pꝰ cuer d'ōme eſioir
926 Qⁱl li conuiēt refus de dame oir
927 Ce ne poꝛroit eſtre ē nule maniere
928 Et ſi redoubt tāt la gent
929 Mal parliere.
930 Q՚ de pooꝛ vois toꝰ p˞ eulz trāblāt
931 Si q՚ ie voꝰ mouſtre le miē ſāblāt
932 A cele qui biē me puet delegier
933 S'il li plaiſoit de mes
934 Mauls allegier.
935 Car trop re doubt qⁱl ne ſ'ē aꝑcoiuēt
936 Car telz ſentiers tex
937 Gens ſauoir ne doiuent
938 Car qñt am˞s eſt a dꝛoit maītenue
939 Si doit de .ij. eſtre ſceue
940 Se n'eſt de tel c'ō ſache loialm̄t
941 Qⁱl eſt loiaus et aīme fermem̄t
942 Et qñt ſon mal on ne
943 Puet plus celer.
944 .I. tel ami poꝛ ſoy recō foꝛter
945 Et poꝛ plus bel ſa meſaiſe poꝛter
946 Mais encoꝛ n'eſt pas tēps q՚ ie l'apele
947 Qñt fais ſauoir ne l'ai ēcoꝛ a tele
948 A qⁱ mes cuers loiaꝰ deſirs atache
949 Hé bone amoꝛ faites
950 Tant que ie ſache
951 Cōment il m'eſt riēs plꝰ ne voꝰ demāt
952 Car ie n'ay cuer q՚ li die ne mant
953 En voꝰ ſeruir veil mō tēps a louer
954 Poꝛ ce ce dit ay fait poꝛ voꝰ loer
955 Et honoꝛer et p˞ cele au vif cler
956 Sans qui ie ne poꝛroie vis eſchaꝑ
957 Des maulz q՚ i'ai p˞ li a ē durer
958 Se lōguem̄t le conuenoit durer
959 Et lōs eſpoirs n'eſtoit qⁱ me ꝯ foꝛte
960 De ce dit faire autre riēs ne m'ēoꝛte
961 Et ce q՚ cele en qͥ i'ai mis ma cure
962 Ne puiſt oir ꝑ aucune auēture
963 Ie pꝛi a tous amans au definer
964 De ce dit cy q՚ ſi ē doctriner
965 Veulent leurs cuers
966 Enuers dame ⁊ atours
967 Ou l'ē ne puet trouuer
968 Foꝛs bones mours.
969 Q՚ chaſcūs cuers
970 Loiaument ſe maītiēgne
971 Et de mal faire a ſō pooir ſe tiēgne
972 Car qui ſe veult ꝯ me amāt maītenir
973 De toꝰ vices faire ſe doit tenir
974 Et ne mie tāt ſeulem̄t de faire
975 Mais de pēſer ⁊ de ꝑler en taire
976 Poꝛ ce leur veil ce dit cy ēuoier
977 Et ſi loꝛ veil ēcoꝛ ſupplier
978 Qⁱl ne le veulēt ꝑ coꝛtoiſie lire
979 Q՚ en tel leu qu'il afferra a dire
980 Qñt tēps et liex ⁊ raiſō ē ſera
981 Car ie ſai biē q՚ pas ne targ՚a
982 S'il eſt ainſi q՚ la bele ne l'oye
983 Qⁱ toꝰ mes maulz puet ꝯu՚tir ē ioie
984 Car elle eſt bone et bele
985 Et amiable.
986 Et a chaſcū coꝛtoiſe ⁊ delitable
Folio 160r
987 Et eſt en fais ⁊ en dis gr̃cieuſe
988 Et ſi la truis ſi hūble ⁊ ſi piteuſe
989 Q՚ qñt elle ꝑ ceſt dit cy ſaura
990 Ꝯm̄t il m'eſt q՚ pitié en aura.
991 Ia ſoit ce voir q՚ mō mal n'ē ꝯnoiſſe
992 Et ne ſache poꝛ qui amoꝛ m'āgoiſſe
993 Et ſi me doit ſoffire iusqu'atant
994 Qu'amoꝛ ne voiſt ē mō cuer ēbatāt
995 Q՚ li face pour voir aꝑceuoir
996 Q՚ i'ai poꝛ li ces maꝰ a receuoir
997 (Q՚ i'ai poꝛ li ces maꝰ a receuoir)
998 Cy fault li diz en auēture fais
999 Poꝛ ce mes maulz amenuiſier le fais
1000 Qñt ꝑ ce dit ay ma pēſee
1001 A eulz deſcouu՚te ⁊ mouſtree
1002 Il diſtrent pꝰ qu'aīſi eſtoit
1003 Qu'amoꝛs d'am՚ m'amōneſtoit
1004 Et q՚ ali obeiſſoie
1005 Q՚ ꝑ eulz ſecoꝛus ſeroie
1006 Et me feroient ꝯ paignie
1007 Tant ꝯ ie vouldꝛoie la vie
1008 Des loiaꝰ amās maītenir
1009 N'ē cel lieu aler ne venir
1010 Ne poꝛroie biē le deuſſe
1011 Qu'aueq՚s moy ne les euſſe
1012 Ainſi cōme eulz a moy ꝑloiēt
1013 Et ces ꝑoles me diſoient
1014 Atant li diex d'amoꝛs reuint
1015 Adonc peuſt on plus de .xx.
1016 Manieres d'iſtrumes oyr.
1017 Qⁱ la ꝯpaignie eſioir
1018 Deuoient ml՚t ſelon raiſon
1019 Qñt li diex vint ē ſa maiſon
1020 Encōtre lui vint la deeſſe
1021 P˞ ce q՚ la foule ⁊ la p՚ſſe
1022 Ne peuſt a eulz ēnuier
1023 Furent deuāt li eſcuier
1024 Qⁱ la foule ⁊ la p՚ſſe oſterēt
1025 Et la voie loꝛ deſcōbꝛerent
1026 La deeſſe foꝛs ſe lanca
1027 Au col le dieu ſes bꝛas lāca
1028 Et pꝰ eſtroitem̄t l'acole
1029 Ꝯ cele qui n'eſtoit pas fole
1030 En apꝛez ꝑ les maīs ſe pͥſtrēt
1031 Et pꝰ a la voie ſe miſtrēt
1032 Et ſ'ē toꝛnerēt v՚s la ſale
1033 Qⁱ n'eſtoit pas laide ne ſale
1034 Mais bele et nete ⁊ biē ꝑee
1035 De biaꝰ dꝛaꝑs d'oꝛ biē ēpenee
1036 Menuem̄t de violetes
1037 Et d'autres diu՚ſes floꝛetes
1038 Apꝛez ce vindꝛēt menāt ioie
1039 De dēs la chābꝛe ou me giſoie
1040 En mon lit delez moy
1041 S'aſſiſtrent.
1042 Et ꝑ tiex ꝑoles me diſtrent
1043 Amis bien doi ioie mener
1044 Et toy de bien faire pener
1045 Qñt noꝰ t'auōs tant a daignie
1046 Q՚ noꝰ t'auōs a cōpaignie
1047 Auec noꝰ ē no mariage
1048 Et mis en nr՚e ſeignoꝛage
1049 Se noꝰ t'auōs fait coꝛtoiſie
1050 Fai q՚le ſoit biē ēploie
1051 Ꝑ bien ſeruir ⁊ ſagem̄t
1052 Et ꝑ obeir ſimplem̄t
1053 Car de ce te faiſōs noꝰ ſage
1054 Se ſauoir veꝰ ē tō coꝛāge
1055 Ioie d'amoꝛ ꝑ biē ſeruir
1056 Il te conuēdꝛa a ſeruir
1057 Car ſeruices fait biē auoir
1058 Ce c'ō n'auroit poꝛ nul auoir
1059 Dōt ſe tu veꝰ d'amoꝛs ioir
1060 Fay q՚ chaſcūs te doie oyr
1061 Et pꝰ entēdꝛe teulz nouueles
1062 Qⁱ ſoiēt coꝛtoiſes ⁊ beles
Folio 160v
1063 Et ſe tu n'en ſces pas la guiſe
1064 Ou tu ne l'as encoꝛe apꝛiſe
1065 Cōmēt cilz ſe doit maītenir
1066 Qⁱ veult d'amoꝛs a chief venir
1067 Dedēs le rōmant de la roſe
1068 Trouu՚as la ſemēce ēcloſe
1069 La poꝛras ſe tu veꝰ apꝛēdꝛe
1070 Ꝯm̄t vrais amas doit ētēdꝛe
1071 A ſeruir amoꝛs ſās meffaire
1072 Si noꝰ en poꝛriōs biē taire
1073 Puis me diſt ma dame venus
1074 La deeſſe q՚ ie venus
1075 Eſtoie la de bon eur
1076 De ce me met moult aſſeur
1077 Car ie ſai biē diſt la deeſſe
1078 Dōt viēt li max qⁱ ſi t'ap՚ſſe.
1079 Q՚ v՚s li ne te pues deffendꝛe
1080 Poꝛ ce ne te pꝰ miex apꝛēdꝛe
1081 Ꝯm̄t v՚s li te deffendꝛas
1082 Et cōm̄t tu te maītēdꝛas.
1083 Biē ſai q՚ as eſte tardis
1084 Et coars oꝛ ſoiez hardis
1085 D'oꝛe en auant ⁊ coꝛageus
1086 Sans eſtre vilain n'outrageꝰ
1087 Car qⁱ aīme de fin coꝛage
1088 Vilēnie het ⁊ outrage
1089 Ie reſpondi ma douce dame
1090 Tant a c՚tes me diſt ꝑ m'ame
1091 Li diex q՚ les voꝰ voi ſeant
1092 Et biē l'ē croi ie voꝰ creant
1093 Autel li dis cō ie voꝰ dis
1094 Car .ix. hardem̄t nō les .x.
1095 Tex ꝯ li miēs eſt ce me ſāble
1096 Se il eſtoiēt mis enſāble
1097 Ne poꝛroiēt pas biē ſoffire
1098 A ce q՚ biē oſſaſſe dire
1099 Mes mals a la douce pāth՚e
1100 A cui nule ne ſ'a cōpere
1101 Car paour m'a fait eſcouter
1102 .I. ver qⁱ moult me fait douter
1103 Et le diſt nr՚e clerc adams
1104 Qⁱ fu d'amis ia ml՚t aidans
1105 En ſon chant ainſi le chāta
1106 Ce ſcet biē cil qui la chatā
1107 Trop font a l'a mant hair
1108 Drois eſt c'ō les doie hair
1109 Qⁱ reqⁱerent hardem̄t
1110 C'eſt q՚ de deſirrer folem̄t
1111 Qⁱ ne ſe pueent aſtenir
1112 Et ſans ꝑtir ſōt eſcōdit
1113 Oꝛent andeus tēps a ſoffrir
1114 Car ce c'on ne voudꝛoit oir
1115 Quiert on ſouuent
1116 D'adam ay ie oy re traire
1117 .I. ver encoꝛ qui ml՚t retr̃re
1118 Me fait de req՚rre aſpꝛem̄t
1119 Et diſt ce m'eſt vis enſem̄t
1120 Ancois voie on refuſer
1121 Celui qui trop pꝛie
1122 Que celui deſamonter
1123 Qⁱ trop ſ'umi lie
1124 Pour ce ſueffre ſas renier
1125 En eſpoir d'auoir merci.
1126 Et bien veil qu'il ſoit aīſi
1127 Car a ſeignoꝛie
1128 A on mainte foys failli
1129 Ꝑ trop haſter.
1130 Encoꝛ diſt il alloꝛs ſās doute
1131 .I. ver dont maīt amāt ſe doute
1132 Qñt li ſouuiēt de la ſētēce
1133 Du ver li q՚lz aīſi cōmēce.
1134 Folz eſt qui trop ē ſō cuidier
1135 Se fie on voit aucun ſeur
1136 Le point d'enrichil
1137 Empꝛendꝛe tant.
1138 Dont il apꝛez mendie
1139 Tout ce me fait dieu pꝛoier
1140 Car miex me vient vſer toute
Folio 161r
1141 Ma vie en mō ioli ſouuenir
1142 Que ꝑ trop taillant deſir
1143 Ꝑdꝛe tout a vne ſie
1144 Ie voi moult biē ta ꝯſciēce
1145 Diſt la deeſſe et qu'ē gñt tēce
1146 Es entrez cōtre toy meiſmes
1147 Car ſouuēt auiēt q՚ tu eſmes
1148 A deſcouurir ta volente
1149 V՚s cele qui entalente
1150 T'a de li amer ſās faītiſe
1151 Pour la valour et la frāchiſe
1152 Q՚ tu vois en li demoꝛer
1153 Dōt chaſcūs la doit honoꝛer
1154 Loꝛs auient q՚ riens a li n'oſe
1155 Dire ainſi com tu le ˞ppoſes
1156 Car paoꝛ loꝛes ſi te court ſeure
1157 Et ſi retoꝛne en petit d'eure
1158 Q՚ ne pues nis la bouche ouurir
1159 Poꝛ ta pēſee deſcouurir
1160 Si come .I. ymage entaillie
1161 Qⁱ n'a vois ne ſens ne oye
1162 Si as biē d'aide beſoīg
1163 Poꝛ la pēſee et pour beſoīg
1164 En quoi tu as plꝰ bel poꝛt՚
1165 Et poꝛ tes grietez confoꝛter
1166 Cōmet tu puiſſes traueillier
1167 A ce q՚ ſache ta pensee
1168 Tele qui eſt de toi amee
1169 Et de tant q՚ tu m'as veue
1170 Miex t'ē ſera en ma venue
1171 Ie te dirai q՚ tu feras
1172 I'ai .i. dit q՚ tu garderas
1173 Tāt q՚ tu cele auras trouee
1174 Qⁱ deſſeure toutes t'agree
1175 .I. anelet cy conuiēt metre
1176 Et encloꝛre dedēs la letre
1177 Et ſi ſera biē ſcellee
1178 Poꝛ la choſe eſtre miex celee
1179 L'eſcript me bailla la deeſſe
1180 Qⁱ ne veult mie q՚ ie ceſſe
1181 Ne q՚ leſſe d'amoꝛs la voie
1182 Ains veult q՚ loiaus amis ſoie
1183 De dēs ce dit ml՚t biē eſcript
1184 Auoit la deeſſe ⁊ d'eſcript
1185 De mō dit toute la matiere
1186 Et dit le dit en tel maniere
1187 Dame cilz qͥ amoꝛs fine
1188 Deſtraīt poꝛ voꝰ ſi voꝰ eſtraīne
1189 De ſon cuer ſans ia mouuoir
1190 Voꝰ eſtes la medecine
1191 Qⁱ de ſon mal la racine
1192 Poez du tout eſmouuoir
1193 Poꝛ dieu ſi l'oſtez ou voir
1194 Il conuient ꝑ eſtouuoir
1195 Q՚ ioie en ſō cuer define
1196 Oꝛ veilliez amoꝛs eſmouuoir
1197 Voſtre cuer et metre au voir
1198 Sentiers ou pitez chemine
1199 Se i'ai vo coꝛps poꝛueu
1200 Et a ſeruir eſleu
1201 Deſſus toute creature
1202 I'ai fait ce q՚ i'ai deu
1203 Car tout bien y ſont veü
1204 Biaute bonte ſens ⁊ meſure
1205 S'eſt biē raiſons ꝑ dꝛoiture
1206 Q՚ ie mette ē voꝰ ma cure
1207 Car point ne m'ōt deceu
1208 Mi oeil qⁱ ont la figure
1209 De vr՚e bele faiture.
1210 A mō cuer amēteu
1211 Sans faire plus lōgue atēte
1212 Voꝰ doīs mō cuer bele ⁊ gēte
1213 Ne veilliez poꝛ mal tenir
1214 Se ꝑ eſcript la p՚ſente
1215 Car qñt ie voꝰ voi p՚ſēte
1216 Ie ne ſai q՚ deuenir
1217 De mō ˞ppos maītenir
Folio 161v
1218 Car ſi foꝛm̄t m'eſpoente
1219 Q՚ ne ſai q՚ deuenir
1220 Ce que bien ſai q̃uenir
1221 Ne puis ꝑ dꝛoit maītenir
1222 Bien ſai q՚ ie meſpꝛendꝛoie
1223 Se ꝑ dꝛoit auoir cuidoie
1224 Vr՚e amoꝛ. pꝰ ie plus dire
1225 Car iamais n'i auēdꝛoie
1226 Se ꝑ gc̃e n'i venoie
1227 Moꝛir poꝛroit auant dire
1228 Se pitiez de mō cuer matire
1229 Ne voꝰ faiſoit eſtre mire
1230 Car ſ'une conte tenoie
1231 Duche royaume ou ēpire
1232 Si me deuroit il ſouſfire
1233 Se de voꝰ amez eſtoie
1234 L'ame en qⁱ i'ai plꝰ fiāce
1235 Qu'ē toutes celes de frāce
1236 En ceſt derrain v՚ ſelet
1237 A la pꝛemiere acoītāce
1238 Voꝰ fis de mō cuer pitāce
1239 Ꝑ ceſt petit anelet
1240 Oꝛ en faites chapelet
1241 A vr՚e doi mamelet
1242 Et ne l'aiez en doutāce
1243 Car ſachiez qu'au iouelet
1244 En valour petitelet
1245 A biē gñt ſignifiāce
1246 Qñt i'oy tout ceſt eſcript veü
1247 Et de chief en chief biē veü
1248 A la deeſſe dis ma dame
1249 Ml՚t tres gñs m՚cis
1250 Car ꝑ m'ame
1251 Du dit n'auez ries oblie
1252 Car tout auſſi me ſēs las
1253 Cō ie l'ai trouue en liſant
1254 De ce me vois biē auiſant
1255 He; diex q՚le teniſt la bele
1256 Qⁱ mō cuer a car ie croi q՚le
1257 Qñt ce dit v՚ra ou oꝛra.
1258 Ia poꝛ ce pis ne m'ē vouldꝛa
1259 Poꝛ quoi car elle eſt bone ⁊ ſage
1260 Et ie l'aing de loial coꝛage
1261 Se pour amoꝛ rēdoie haine
1262 Mains en ſeroit et bone ⁊ fine
1263 Car nulz n'a tāt au cuer d'air
1264 Ne doit poꝛ biē amer hair
1265 Mais volētiers voꝰ req՚rroie
1266 En coꝛ ma dame ſe i'oſoie
1267 Q՚ ꝑ amoꝛs me deiſſiez
1268 Et q՚ certain me feiſſiez
1269 De ma dame oꝛ l'eſcoutez
1270 Poꝛ coy li amans eſt boutez
1271 En la lettre et qu'il ſenefie
1272 Car auſſi ne le ſai ie mie
1273 Elle diſt tu m'ē oꝛras dire
1274 Tāt qu'il te deuera ſouffire
1275 Li aniax eſt en l'eſcripture
1276 Poꝛ ce q՚ ꝑ la viēt la cure
1277 De tō cuer et la ſeignoꝛie
1278 Dōras ſās faire deꝑtie
1279 Plꝰ bel q՚ ꝑ mal autre choſe
1280 Ma dame ou tout biē repoſe
1281 Qⁱl n'a en li vice ne fraude
1282 Mais en l'anel eſt eſmeraude
1283 Car la pierre c'eſt choſe clere
1284 Qu'auec eulz poꝛte gñt miſtere
1285 Et plus plaiſans eſt aneles
1286 Qu'a dōner autres ioueles
1287 C'on le poꝛte au ſoir et au main
1288 Poꝛ ce c'on le voit en ſa main
1289 Et li oeil voiēt c'eſt la ſōme
1290 Plus les maīs q՚ riēs deſſꝰ l'ōme
1291 Et yce puis bien poꝛ voir dire
1292 C'eſt ce c'ō voit ſouuēt ⁊ mire
1293 Celi qui le voit plus ꝯfoꝛte
1294 Q՚ li liex pleſt dont on l'a poꝛte
1295 Se de l'anel veulz la puiſſāce
1296 Auoir et la ſenefiance
1297 De loꝛ et de la pierre bōne
Folio 162r
1298 Q՚ chaſcuns a entēdꝛe donne
1299 Es quiex vertus pueēt auoir
1300 La verite poꝛras ſauoir
1301 Mais q՚ tu veilles .i. dit lire
1302 C'uns clers fiſt
1303 Dont le non veil dire
1304 Q՚ ia ꝑ moi ne t'ert cele
1305 Meſtres iehās eſt appele
1306 L'eſpiciers cil qⁱ la dite
1307 Pour ce qⁱl a en ſō traictie
1308 De cele maniere traictie
1309 Cō en bones meurs affaitie
1310 Tres biē et tres ſouffiſaum̄t
1311 Ne t'ē dirai ie pas grāment
1312 Mais poꝛ ce q՚ chaſcūs n'a mie
1313 Ce dit poꝛ ce me pleſt
1314 Il que i'en die.
1315 Et q՚ clerem̄t en ex poſe
1316 Briem̄t en ſōme a vue choſe
1317 Premierem̄t du chapelet
1318 Qui en guiſe de chapelet
1319 Le doit ēceint ⁊ ēuirōne
1320 Et a p՚s de la pierre bōne
1321 Li aneles ſi doit d'oꝛ eſtre
1322 Et poꝛter de la maī ſeneſtre
1323 Ou petit doit ſi cō cilz ꝯte
1324 Oꝛ eſt raiſons q՚ ie te die
1325 Ce q՚ li oꝛs ſenefie
1326 Oꝛ eſt ſe ie biē ⁊ auiſe
1327 De toꝰ metaus cil c'ōplꝰ pͥſe
1328 Et li plus foꝛs et li
1329 Plus fermes
1330 Auſſi doit aniaꝰ ē toꝰ t՚mes
1331 Auoir en ſō cuer fermete
1332 De la cauſe de netete
1333 Tele qⁱl ne pēſe ne die
1334 Choſe qui tourt a vilōnie
1335 Et ſi doit tāt pͥſier ſa dame
1336 Q՚ pour ſon pꝛis hee ſō blaſme
1337 L'eſmeraude c'eſt veritez
1338 Si a ml՚ de pꝛosꝑitez
1339 Dont aucunes te ꝯterai
1340 Et ap՚s les expoſerai
1341 Eſmeraude eſt vers
1342 Et ſi dame.
1343 Grace a bādona ala ꝑſone
1344 Qⁱ ꝑ amoꝛs la receue
1345 Et ſi eſclarcit la veue
1346 Amoꝛs donq՚s qⁱ l'eſꝑāce
1347 De l'eſmeraude ⁊ la pꝰſāce
1348 Veult auoir il doit eſtre v՚s
1349 C'eſt a dire qⁱl ait deuers
1350 Ceulz qⁱ biē aīmēt ſō coꝛage
1351 Et ſi doit metre ſon vſage
1352 En ceulz auſſinc ⁊ cōgnoiſtre
1353 Qⁱ ſe veulent d'amoꝛs acroiſtre
1354 Car les v՚s choſes
1355 Tous iours croiſſent
1356 Et les ſeches toꝰ ioꝛs deſcroiſſēt
1357 Et cil ē v՚dure ſe tiēnent
1358 A gc̃e ſi tres gñt ē viēnēt
1359 Q՚ des bons des biaꝰ ⁊ des gēs
1360 Sont loe ⁊ de toutes gens.
1361 Et cil qⁱ a ce faire entēdēt
1362 Les yex du cuer tāt y amēdet
1363 Q՚ nulz a eulz ne ſe puet pꝛēdꝛe
1364 De toꝰ biēs ꝯnoiſtre et ētēdꝛe
1365 De l'anelet ai dit ē ſōme
1366 Et de la v՚t pierre c'ō nōme
1367 Eſmeraude et de ſa puiſſāce
1368 Briem̄t ⁊ la ſignifiāce
1369 Oꝛ te veil icy ap՚s dire
1370 De l'anelet ⁊ deſcrire
1371 Poꝛ coy miex ē la main ſeneſtre
1372 Eſt poꝛtez qⁱl n'eſt ē la deſtre
1373 C'eſt poꝛ ce q՚ de ſa nature
Folio 162v
1374 Elle eſt maīs encline a dꝛoiture
1375 Qu'ala deſtre et maīs ſe ſcet t˜ire
1376 Et oꝛdure vilanie faire
1377 Et ſi poꝛton en l'anelet
1378 Miex ou petit doit mamelet
1379 Ꝯ ne fait en nul autre doi
1380 Poꝛ ce ꝑ la foy q՚ ie doy
1381 Car toy en qui mō cuer ſe fie
1382 Q՚ plus i giſt et moꝛt ⁊ vie
1383 Ꝑ l'anelet qui auirōne
1384 Le petit doi ⁊ la courōne
1385 De mouſtre qu'ē tele man՚e
1386 Doit ꝑ deuāt et ꝑ derriere
1387 Deu՚s deſtre et deu՚s ſeneſtre
1388 Loiaus amās ē toꝰ tēps eſtre
1389 De pluiſeurs gc̃es coꝛrōnez
1390 Et toꝰ entour auirōnez
1391 Et ſ'il eſt dit aucūs qui die
1392 Q՚ la pierre eſt ou doit mucie
1393 De dens la main c'ō ne la voie
1394 On loꝛ puet biē ꝑ ceſte voie
1395 Aſſez legierem̄t reſpōdꝛe
1396 Ou doit de dēs la maī repōdꝛe
1397 La paīne et ſi dōne a ētēdꝛe
1398 Q՚ tout amāt doie a ce tēdꝛe
1399 Qⁱl puiſt a toꝰ ſ'amoꝛ celer
1400 Ꝯ ne doit amour receler
1401 Car amoꝛ qñt biē eſt celee
1402 Dure plus q՚ la recelee
1403 Et ſe i'ai lōguem̄t cōte
1404 De l'eſmeraude la bōte
1405 Ne veil ie ꝑ mō ſermōner
1406 Pas dire c'ō ne pꝰ dōner
1407 Anel ou autre pierre eſt miſe
1408 Car chaſcūs eſt bōs a ſa guiſe
1409 Mais eſmeraude ⁊ dyamans
1410 Doit eſtre entre les amās
1411 Miex q՚ nule autre pierre ou mōde
1412 Tāt ſoit bele gēte ne mōde
1413 Si cō tu as ia biē veü
1414 De l'eſmeraude et ꝑceu
1415 Si te dirai du dyamāt
1416 Poꝛ coy il affiert a l'amāt
1417 Dyamant eſt indiuiſibles
1418 Et de toutes choſes viſibles
1419 Et cele qui de ſa nature
1420 Puet miex durer ē choſe dure
1421 Car on puet veoir clerem̄t
1422 Cō entaille legierem̄t
1423 En voirre ē pierre ſi tres dure
1424 Q՚ nulz autres a ciers n'i dure
1425 Ainſi li vrais amans reſāble
1426 Le dyamāt ſi cō moi ſāble
1427 Car puis qⁱla ſ'entēte miſe
1428 En amer poīt ne ſe deuiſe
1429 Ains ſe tiēt tout ētierem̄t
1430 En .i. lieu ſās deꝑtem̄t
1431 Et ſi fait tāt ꝑ ſa purte
1432 Qⁱl oeure es cuers
1433 Plains de purte
1434 Tāt qu'amoꝛs ce li fait auoir
1435 Ꝯ ne dōroit p˞ nul auoir
1436 Qñt la deeſſe m'ot ce dit
1437 Ie mis ap՚s dedēs le dit
1438 Q՚ m'ot baillie .i. anelet
1439 Et de mō petit ſeelet
1440 Le ſeelai ap՚s de cire
1441 Loꝛs pꝛis dedēs mō cuer a dire
1442 Que deuāt loꝛs ne fuieroit
1443 Qu'a la bele le bailleroit
1444 A qui i'ai mō cuer octroie
1445 Et ie tiēg a biē ēploie
1446 Car ſe ie le trouuoie a poīt
1447 De cele volēté m'a point
Folio 163r
1448 Q՚ ne m'ē poꝛroie tenir
1449 Diex m'i doīſt en bō poīt venir
1450 Tout ē pēſant a ceſt afaire
1451 Ꝯm̃t ie poꝛroie a chief traire
1452 Poꝛ la paine qu'oie eue
1453 M'ēdoꝛmi tātoſt de venue
1454 Et ſi reſoignoie en ſongēt
1455 De ce ne vous vois mēcōgēt
1456 Et me ſambloit q՚ ie veoie
1457 Ma dame et q՚ ie li bailloie
1458 Le dit et l'anelet enſamble
1459 Et elle me diſt ce me ſamble
1460 Q՚ ia ce ne li auendꝛoit
1461 Et q՚ le dit ia ne tēroit
1462 Car choſe qⁱ eſt ſeellee
1463 A pꝛēdꝛe pas ne li (apele )agree
1464 Car il y auoit ſouſpecon
1465 Qñt i'entendi ceſte lecon
1466 Q՚ l'ē dit a penre vea
1467 Sachiez q՚ poīt ne m'agrea
1468 Loꝛs li dis q՚ ſeurem̄t
1469 Le pꝛeiſt car certainem̄t
1470 Si n'auoit ens riēs n'a letree
1471 Q՚le ſ'eſtoit ꝑ tout vātee
1472 Q՚ il l'ē peuſt riens chaloir
1473 Ne q՚le en peuſt maīs valoir
1474 Loꝛs pꝛiſt le dit ſi l'ēpoꝛta
1475 De ce foꝛm̄t me cōfoꝛta
1476 Petit me dura ceſte ioie
1477 Car en ce poit q՚ ie cuidoie
1478 Q՚ le dit deuſt retenir
1479 Ie la vi v՚s moi reuenir
1480 Car pas ne li auoit pleu
1481 Ce q՚le auoit ou dit veü
1482 Si cō i'oi puis biē entēdu
1483 Car elle me vit le dit rēdꝛe
1484 Et me diſt ſe ie voꝰ cuidaſſe
1485 Trouu՚ en voꝰ maīs m'i fiaſſe
1486 Ne ia le dit n'euſſe pꝛis
1487 Se ie cuidaſſe q՚ le pꝛis
1488 D'un pariſis euſt dedens
1489 Q՚ mal de chief ⁊ mal de dēs
1490 Puiſt aoir coꝛps ſi poloiaus
1491 Ꝯ cil qui aīme poꝛ ioiaus
1492 Ne nul ꝑ tel cas deceuoir
1493 Ne me poꝛroit ſachiez de voir
1494 N'aiez en moi nule atēdāce
1495 Car ſachiez q՚ nule baāce
1496 N'ai d'amer ne poīt de coꝛage
1497 Si n'y aurez poīt d'auātage
1498 Nō pas poꝛ ce q՚ veille dire
1499 Q՚ voꝰ ne doiez biē ſouffire
1500 A miex vaillāt q՚ ie ne ſoie
1501 Mais q՚ d'amoꝛs amaſt la ioie
1502 De moi ſi toſt ſ'eſloigna donq՚s
1503 Q՚ reſpondꝛe ne la poi onq՚s
1504 Loꝛs m'e ſueillai de la fraoꝛ
1505 Q՚ i'oi ⁊ de la gñt paoꝛ
1506 Et ſi ſouuēt me treſſailli
1507 Qu'apo li cuers ne me failli
1508 .I. poy ap՚s nō pas grām̄t
1509 Ouuri les yex tout errām̄t
1510 Mais la deeſſe qⁱ eſtoit
1511 Delez moi ⁊ m'amōneſtoit
1512 Q՚ li deiſſe aꝑtem̄t
1513 Poꝛ quoi ſi eſfreem̄t
1514 Eſtoie eſueilliez oꝛēdꝛoit
1515 Car ſel ſauoit ē nul ēdꝛoit
1516 Li celoie tout ſans mētir
1517 Biē m'ē poꝛroie repētir
1518 Si li dis toute m'auēture
1519 Et ꝯm̄t cele qui n'a cure
1520 Et tout mō pēſer mis auoie
1521 Me diſt q՚ ia ne ſeroit moie
1522 Si diſt en doꝛmāt me ſambla
1523 Dōt mes coꝛps de paoꝛ trābla
Folio 163v
1524 I'en ſui dis ie ſieffrees
1525 Et eſmeus cō voꝰ veez
1526 Si veilliez en moi ꝯſeil metre
1527 Car ie ne m'ē ſai entremettre
1528 Et ſe voꝰ conſeil n'y metez
1529 D'eſꝑāce ſui hoꝛs getez
1530 Et ſui moꝛs ſans nul ꝯtredit
1531 Tenez ie vous rent vr՚e dit
1532 Car iamais ne le bailleroie
1533 A cele a qui mes cuers ſ'otroie
1534 Ie ne le puis iamais renir
1535 Q՚ ꝑla ne puis ie venir
1536 A ce qu'ē doꝛmāt ay veü
1537 Dont i'a paoꝛ et ay heu
1538 Car tout ſās ce plꝰ de m̃rtyre
1539 Ay que ie ne poꝛroie dire
1540 La deeſſe diſt tu te doutes
1541 poꝛ noiēt ie te iur les doutes
1542 Amās doit toꝰ ioꝛs eſperer
1543 Q՚ ſon deſir puiſt acheuer
1544 Encoꝛes ne ſoit il pas dignes
1545 Car c'eſt de biē amer .I. ſignes
1546 Et ſ'ainſi eſtoit q՚ tu fuſſes
1547 Refuſez ⁊ biē le ſceuſſes
1548 Si ne t'ē dois tu pas retraire
1549 De biē dire ne de biē faire
1550 Oeure de ſens ⁊ ſi t'auiſe
1551 Car ſe tu ſelōc ma deuiſe
1552 Veꝰ ouurer moult
1553 Grans auantages
1554 T'ē vendꝛa et as amās ſages
1555 Ꝑ ce faire t'a cō ꝑras
1556 Enten q՚ diſt adās d'arras
1557 Ia ne ſera loiaus dꝛus
1558 Ꝯm̄t ꝯ les pꝰ deſtraindꝛe
1559 N'iert de ſeruir re creus
1560 Ains ert toꝰ ioꝛs ē li graīdꝛe
1561 Loꝛs neis q՚ il va moꝛir
1562 N'il ne l'oſe regehir
1563 Et ſ'il auient qu'il li die
1564 Et ſa dame l'eſcōdie
1565 Cuer aura meillour
1566 D'endurer miex ſa dolour
1567 Et miex li plaira la vie
1568 Et ſe fouir veulz deſeſpoir
1569 Et demourer en bō eſpoir
1570 Et toy de gñt ēnui tēſer
1571 Tu ne dois mie trop pēſer
1572 Au mal qⁱ ē amoꝛs eſchiet
1573 Car a maīt amāt ē meſchiet
1574 Ains te doit adez ſouuenir
1575 Du gñt biē qui en puet venir
1576 Et ſe tu y ſens de l'amer
1577 Poꝛ ce ne dois laiſſier l'amer
1578 Car ſ'amoꝛs ne veult eſſaier
1579 Tu ne t'ē dois pas eſmoier
1580 Entent qu'adā au cuer loial
1581 En dit en .I. ſiē chāt royal.
1582 Qⁱ adꝛoit veult amoꝛs ſeruir
1583 Et chanter de ioieus talent
1584 Pēſer ne doit as maulz qⁱl ſent
1585 Mais au biē qⁱ en puet venr
1586 Et fait a cuillir
1587 Sens ⁊ bōte ⁊ hardem̄t
1588 Et les mauuais bōs deuenir
1589 Car chaſcuns bee en defenir
1590 Puis qu'il y tent.
1591 Qui ſ'eſmaie poꝛ mal ſoffrir
1592 Ne qui pꝛent garde a ſō toꝛm̄t
1593 Il ne puet amer loialm̄t
1594 Car cō plus pēſe ꝑ loiſir
1595 A ſon deſir.
1596 Et plꝰ li ſamble qⁱl viēt gēt
1597 Et ainſi fait anoientir
1598 Lui et amoꝛs en deſeruir
1599 Tout ſon iouuent
Folio 164r
1600 Adam en l'autre ver racōte
1601 Dont amoꝛ vient ⁊ ꝯm̄t mōte
1602 Sa puiſſāce ꝑ retenir
1603 Es cuers ꝯm̄t eulz maītenir
1604 Qⁱ le ſeruice en ſoy maītiēnēt
1605 Cil qⁱ la dꝛoite voie tiēnēt
1606 Droit ont ſe loꝛ entēte miſe
1607 Y ont ce dit en ceſte guiſe
1608 Li vers qⁱ cy ap՚s dit a
1609 Adā d'erras aīt bō dit a.
1610 Par dire et ꝑ biaus ris oyr
1611 Et ꝑ ioli cōtenement
1612 Vr՚e amoꝛ au cōmēcem̄t
1613 Et ainſi ſe veulz poꝛſuiuir
1614 Et eſbaudir.
1615 Et eſperer m՚ci bꝛiem̄t
1616 Encoꝛ n'y puiſt on auenir
1617 Ainſi veult amoꝛs maītenir
1618 Si douce gent
1619 Ie li dis qu'aīſi maītenir
1620 Me voloie ſi qu'a venir
1621 Peuſſe ꝑ la a la ioie
1622 Qu'amoꝛs as fins amās otroie
1623 Car gñt talent m'ē eſt venus
1624 Et ſi me ſui ie maītenus
1625 Et maītiens ꝑ amoꝛs hanter
1626 Ainſi cō i'ai oy chanter
1627 En ce chāt d'adā q՚ ie dire
1628 Voꝰ veil poꝛ mō eſtat deſcrire
1629 Grāt deduit a en ſauoureuſe vie
1630 En bone amoꝛ honoꝛer ⁊ ſeruir
1631 Qⁱ la maītiēt ſi qⁱl doit ſās boiſdie
1632 Ains rent plus c'ō ne pꝰ deſeruir
1633 Pour ce le ſerf. miex faire ne poꝛroie
1634 Et ſe ia m՚ci n'auoie.
1635 Qñt tant auerai deſerui
1636 Si me plaiſt il ma vie vſer ainſi
1637 Car ie la fait p˞ la miex enſaignie
1638 Ꝯ puiſt du cuer pēſer ne de veir.
1639 De tant apꝑt a tous ſa ſeignoꝛie
1640 Qⁱl eſt toꝰ liez qui la puet ꝯioir
1641 He; las ie ne me metrai ē ſa voie
1642 Car poy ꝑans yſeroie
1643 Si n'ai qui ia ſoit poꝛ mi
1644 S'amoꝛs n'y eſt et pitie q՚ i'ē pꝛi
1645 Ains de ſi loīg de moy
1646 Ne fu choiſie.
1647 Qu'a ſes doꝰ y ex amoꝛeus ētr'ouurir
1648 Ne fuſſe emplis
1649 De ioie raemplie
1650 De loiaute d'amoꝛ ⁊ de deſir
1651 D'un ſeul veoir ai ſi gñt ioie
1652 Q՚ ce ſeroit ſe i'ooie
1653 Qu'ele m'apelaſt ami
1654 Diex ie ne voꝰ demāt autre m՚ci
1655 L'ai maīte fois laiſſie la ꝯpaignie
1656 Qñt bone amoꝛ me daignoit
1657 Souuenir.
1658 Poꝛ deliter en pēſee ēuoiſie
1659 En ramēbꝛāt ſa valoꝛ a loiſir
1660 Et loꝛs qu'eſtoie eſſeules m'ēf՚moie
1661 Loꝛs ꝑ ſamblāt me cuidoie
1662 Delez li tout eſbahi
1663 Ainſi mes maꝰ a la fois m'ētr'oubli.
1664 Se ie m'oſoie cōtre li retoꝛner
1665 Qñt ie l'ēcōtre ē la voie au venir
1666 Tāt q՚le fuſt de mes yex ꝯuoie
1667 Auec mō cuer q՚le a ſans deꝑtir
1668 Trop doucem̄t apaiez m'ētēdꝛoie
1669 Mais poꝛ ries n'oſeroie
1670 Auoir le cuer ſi hardi
1671 Tant aing et crieng
1672 L'amoꝛ qui vient de li.
1673 Qñt la deeſſe ⁊ les diex m'oꝛēt
1674 Eſcoute poꝛ ce q՚ il ſoꝛent
1675 Ꝯm̄t v՚s eulz me ꝯtenoie
Folio 164v
1676 Et quel fiāce en eulz auoie
1677 Me diſtrent il q՚ ſās doutāce
1678 I'auroie ꝑ eulz alleiāce
1679 Ꝑ tel couuent q՚ ie teniſſe
1680 Et q̃ ꝑcoiure m'ē ēpliſſe
1681 Ce q՚ ce chaut auoie dit
1682 Ie reſpondi ſās ꝯtredit
1683 Voloie tout loꝛ voloir faire
1684 Car riēs tāt ne me poꝛroit plaire
1685 Qñt i'oi ce dit loꝛs apelerēt
1686 Les .iij. qⁱ leens m'amenerēt
1687 Ce fu penſers ⁊ eſꝑāce
1688 Et ſouuenirs qⁱ des m'ē fāce
1689 Moi ⁊ mes ouures ꝯnoiſſoiēt
1690 Et ſi loꝛ diſtrēt qⁱl voloiēt
1691 Qu'a loꝛs pooirs me ꝯfoꝛtaſſēt
1692 Et de moi garde ſe dōnaſſēt
1693 Oꝛe et toꝰ ioꝛs tāt q՚ u'auroie
1694 Ce qⁱ me doit muer en ioie.
1695 Il dient q՚ ml՚t le voloient
1696 Et que volent՚s le feroient
1697 Li diex me remis a ꝑole
1698 Qⁱ biē en pot tenir eſcole
1699 Qⁱ ſages ⁊ ſoubtilz eſtoit
1700 Et ꝑ teulz mos m'amōneſtoit
1701 Amis ne ſoies pas de ceulz
1702 Qⁱ ſont faintis et pereceus
1703 Car cil qui ont en ce loꝛ cure
1704 N'ōt en amoꝛs poīt de dꝛoiture
1705 Mais pꝛē bon cuer ⁊ hardem̄t
1706 Car ſouffert as plus lōguem̄t
1707 C'on ne doit tenir a outrage
1708 S'a cele mouſtres tō coꝛage
1709 D'oꝛe en auāt qⁱ as ta vie
1710 Et coꝛps ⁊ tout en ſa baillie
1711 Tout rabatu ⁊ tout compte
1712 Qⁱ m'aīme il me fait bōte
1713 Si li pues biē ſaches de voir
1714 Se tu l'aīmes ramēteuoir
1715 Car bonte faite et nō ſceue
1716 Sieſt auſſi cōme ꝑdue
1717 De treſtout tō pooir t'acoīte
1718 De toꝰ ceulz dont elle eſt acoīte
1719 Si qu'ē loꝛ vmbꝛe a la fie
1720 Puiſſiezeſtre en ſa cōpaignie
1721 C'eſt ſaches tu gñt alleiāce
1722 D'auoir ou l'ē aīme acoītāce
1723 Car qñt on a ou lieu afaire
1724 Ou cele c'ō aīme repaire
1725 Ou a cauſe de ceulz mander
1726 Ꝯ ꝯnoit et d'eulz demander
1727 Tant q՚ cele ſera venue
1728 Dont on deſirre la venue
1729 Ainſi puet on ſ'amoꝛ couurir
1730 Qⁱ ne fait mie a deſcouurir
1731 Poꝛ ce le te cōmant a faire
1732 Se tu veulz de riēs amoi plaire
1733 Pꝰ li poꝛras dire ou mander
1734 Q՚ le puet a toi cōmander
1735 Car tous es ſiens ⁊ ſās meſpꝛēdꝛe
1736 Puet le tien allouer et pꝛēdꝛe
1737 Cōme le ſien ppꝛe chatel
1738 Ne ia ne te trouuera tel
1739 Q՚ v՚s li de riēs te deffendes
1740 Ce q՚ tu toꝰ ioꝛs mais ētēdes
1741 A faire ſa volēté toute
1742 De ce ne ſoies pas ē doute
1743 Il ſe fait mauuais delaier
1744 De ſō ˞pfit faire eſſaier
1745 Ne met ce donq՚s ē defoys
1746 Qⁱ i'ay oꝛ dir e autre fois
1747 Mais tout ainſi ꝯme ie l'ay
1748 Dit a toy fais le ſās de lay
1749 Eſſayes ſots et ſi cōmēce
1750 Et ſe de ce veulz la ſciēce
1751 Biē en cerch՚ ⁊ biē enq՚rre
Folio 165r
1752 Cōm̄t on doit d'amoꝛs req՚rre
1753 Chaſcune ſelōc ſa noblece
1754 Selōc l'eſtat de ſa hautece
1755 Et ſelonc la condition.
1756 Se tu y as entencion.
1757 Tout ce trouueras a de liure
1758 Mais q՚ tu veilles lire ou liure
1759 C'ō apele en francois gautier
1760 Miex ens qu'ē bible n'ē pſaltier
1761 Et celui liure trāſlata
1762 Cilz qⁱ onq՚s ioꝛ ne flata
1763 Ne blādiſt hōme q՚ ie ſache
1764 Ce fu meſte diex de la vache
1765 A chaſcū plaiſoit ſō a faire
1766 Tāt eſtoit doꝰ ⁊ debonaire
1767 Ie ne t'ē ay dit q՚ le voir
1768 Sin'eſtoit mie a deceuoir
1769 Ne ꝑ ˞pmeſſe ne ꝑdon
1770 Moꝛs eſt oꝛ ait ſ'ame ꝑ dō
1771 Et qñt ainſi fait aueras
1772 Au plus toſt q՚ tu troueras
1773 La panth՚e qui eſt ſi douce.
1774 Qⁱ toutes tes doleurs a douce
1775 Qñt delez li te pues ſeoir
1776 .I. gñt ou poi la pues veoir
1777 Si pꝛē en tō cuer hardem̄t
1778 Et li di tout aꝑtem̄t
1779 Cōm̄t poꝛ li vis a moꝛ tire
1780 Ap՚s ce li poꝛras eſcrire
1781 Et tant ſeurem̄t māder
1782 Ce q՚ ie te veil cōmander
1783 Car ce n'eſt ſe bien
1784 Mais ſans faille
1785 A tāt de dēs ma maīme baille
1786 .I. dit qⁱl pꝛiſt ē ſ'aumoſniere
1787 Et diſt li dis en tel maniere
1788 Dame fleurs de celes ē uie
1789 Dame ſās mal ⁊ ſās ēuie
1790 Et ſans vice qui voꝰ ē pire.
1791 Cilz qⁱ de mauuais poīt epire.
1792 Va toꝰ les ioꝛs poꝛ voꝰ amer
1793 Tāt ſent le mal d'amoꝛs amer
1794 Voꝰ ſalue con fins amis
1795 Qⁱ tout entierem̄t amis.
1796 Cuer. ⁊ coꝛps en v՚re baillie
1797 Poꝛ paine qui l'ē ſoit baillie
1798 N'ē retraira ſon cuer ſachiez
1799 Ia ꝑ lui n'ē ſera ſachiez
1800 Car voꝰ eſtos toꝰ ſes ꝯ foꝛs
1801 Et ſi voꝰ di biē m'ē fais foꝛs
1802 Les mauls d'amer toꝰ ioꝛs ē dure
1803 Et cōme il eſt entrez en dure
1804 Vie. poꝛ voꝰ le ſai de voir
1805 Q՚ bien feriez vo deuoir
1806 De lui amenuiſier ſa paine
1807 Car ſachiez biē q՚ il ſe paine
1808 Au miex q՚ il puet deſeruir
1809 Veil poꝛ vr՚e amoꝛ deſeruir
1810 Coꝛps qⁱ eſt du tou bone m̄t
1811 Poꝛ cele doit on bon em̄t
1812 Qñt il ſe cōplaīt alleg՚
1813 Et celui ꝯſent alleg՚
1814 Doit on leſſier meſaiſe auoir
1815 Non ne deuroit poꝛ mal auoir
1816 (Non ne deuroit poꝛ nul auoir)
1817 Ce m'eſt vis releuer demoꝛt
1818 Car il eſt dignes de depoꝛt
1819 Le fait ſe bien ſui apēſez
1820 Selonc les maulz qⁱl a pēſez
1821 Pour ce q՚ i'ai de vr՚e ayde
1822 Meſtier pꝛi ie q՚ moy aide
1823 Amoꝛ qui aus bn̄s eſt aidās
1824 Car plus voꝰ aīg q՚ plꝰ n'ay d'ās
1825 Tant eſtes de douce man՚e
1826 Et de biē faire couſtum՚e
1827 S'ai biē de ſ'ai de meſt՚
1828 Car mis me ſui a tel meſt՚
1829 Car ie n'ai pas toutes mes aaiſes
1830 Auāt en ay des gñs meſaiſes
Folio 165v
1831 Et moult en ſui entrez en gñs
1832 Pēſees biē doi eſtre engrans
1833 De moi ſagem̄t maītenir
1834 Car ie voi vr՚e maī tenir
1835 Ma vie et ma moꝛt tout ēſāble
1836 Si faite ce qu'il
1837 Vous enſamble
1838 Dame qⁱl apꝑtiet a faire
1839 D'ame qui eſt de tel a faire
1840 Se ie voꝰ aīg poꝛ ce pis eſtre
1841 Ne m'ē doit poꝛ tāt de mō eſtre
1842 Voꝰ fai ceſt eſcript a meſſage
1843 Car bō fait ēuoier mesſage
1844 Douce dame dōt i'atēt ioie
1845 Humiliez voꝰ tāt q՚ i'oie
1846 Vr՚e bouche ꝑler a moy
1847 Ie vous en pꝛi ⁊ poꝛ ame
1848 Me receuez ma douce dame
1849 A cui ſui toꝰ de coꝛps ⁊ d'ame
1850 Car nuleriens tāt ne deſir
1851 Ains ſont tourne
1852 Tuit my deſir
1853 A faire tout vr՚e voloir
1854 Car riēs ne poꝛroie valoir
1855 Q՚ ce qu'il vous doie deſplaire
1856 Et ce ne fait mie a deſplaire
1857 Ce m'eſt vis ſe voꝰ ſerui ay
1858 Mis mō cuer ſi voꝰ ſeruirai
1859 De cuer loiaum̄t ſās retraire
1860 Poꝛ les biēs qu'ai oy retraire
1861 De voꝰ frans cuers
1862 En douce chiere
1863 Mais trop m'ē ert rēdue ch՚e
1864 Malem̄t ſ'il ne voꝰ en pꝛent
1865 Pitie et amoꝛs qⁱ empꝛēt
1866 Les fais des amās ⁊ loꝛ oeure
1867 Ꝑ ſa pitie poꝛ moy n'i oeure
1868 Et ſ'il eſt ainſi q՚ le faille
1869 A vr՚e amoꝛ onq՚s mais faille
1870 Ne fu auſſi chier cōꝑee
1871 Car nule doloꝛ cōꝑee
1872 Ne poꝛroit loꝛs eſtre alamoie
1873 Mais n'eſt dame ſe tāt l'amoie
1874 Q՚le n'euſt ce croi de my
1875 Pitie. car ie ioꝛ ne demi
1876 N'oy de repos ce m'eſt auis
1877 Ni en vr՚e coꝛps qui a vis
1878 Si doꝰ ne doit trouu՚ deffaut
1879 De merci et ſ'a moy deffaut
1880 Sans raencō ſui mis a moꝛt
1881 Et ꝑ tele auēture a moꝛt
1882 Maint loial ami deſeſpoir
1883 Dont ſ'il eſt ainſi deſeſpoir
1884 De ioie auoir ſui hoꝛs boutez
1885 Mais ꝑ amoꝛs ne me boutez
1886 Dame de ſi crueuſe lāce
1887 Q՚ plꝰ de mal q՚ i'ai me lāce
1888 Car contraire m'eſt ſi foꝛtune
1889 Q՚ ie croi c'onq՚s ſi foꝛt vne
1890 Foys. ne fu a nul auenue
1891 Ꝯme a moy eſtre auenue
1892 Poꝛ choſe q՚ i'aie meffait
1893 Car de riēs ne m'y ay meffait
1894 V՚s amoꝛs ia n'i ferai choſe
1895 De quoi nulz hōs loias me choſe
1896 Si me getez de ces perilz
1897 Ou tantoſt ſeroie peris
1898 Se lōguem̄t telz max auoie
1899 Car eſꝑāce qui auoie
1900 Les vrais amās me fait pēſer
1901 Q՚ pꝰ qu'ē voꝰ ſōt mi pēſer
1902 Dōt tout ay tou ſās deceuoir
1903 Et oꝛe en ay mal di ie voir
Folio 166r
1904 En aucū tēps aurai depoꝛt
1905 En ce moult ſouuēt me depoꝛt
1906 Et c'ē q՚ ie mō tēps ēploie
1907 En lieu ſi gent ſi m'y ēploy
1908 Tele amoꝛ maītenant en tant
1909 Vif ⁊ viurai d'oꝛe en auant
1910 Iusqu'alamoꝛt ma vie fine
1911 Si vous pꝛi douce dame fine
1912 M՚ci de coy ſ'atēte eſt garde
1913 De coy eſpoir en voꝰ ſe garde
1914 Qñt li diex m'ot ce don done
1915 Il m'a tantoſt araiſōne
1916 Amis q՚ me diras tu oꝛe
1917 As tu tant hardem̄t ēcoꝛe
1918 Q՚ ta dame baillier oſaſſes
1919 Ceſt eſcript ou li ēuoiaſſes
1920 En tāt hardem̄t tu n'as mie
1921 Au mais a une ſeue amie
1922 La dois baillier cōm̄t qⁱl aille
1923 Seure qui ali la baille
1924 Ou qⁱ ꝑ deuāt li li liſe
1925 Et li die cilz n'a pas miſe
1926 S'entēcion afauſſes bourdes
1927 Ains amis ſes pēſees toutes
1928 En amer a mō eſcient
1929 N'il ne fiſt onq՚s poꝛ noient
1930 Ce dit ⁊ ſi ſachiez de voir
1931 Qⁱl n'aīme pas pour deceuoir
1932 N'il n'ē n'a mie le renon
1933 Loꝛs ſi poꝛrez dire le non
1934 De voꝰ ſi poꝛra biē ētēdꝛe
1935 Qu'a faire ce feiſt ēpꝛēdꝛe.
1936 Amoꝛs qⁱ ſi foꝛm̄t t'ap՚ſſe
1937 Que ce nuit ne de ioꝛ ne ceſſe
1938 Et poꝛ ce poꝛra biē pēſer
1939 Q՚ de ce mal te puet tēſer
1940 Et ſe biē ſauoit tō coꝛage
1941 Ia ne te ſeroit ſi ſauuage
1942 La bele ſe le cuer a fin
1943 Q՚ miex ne t'ē fuſt en la fin
1944 Ie li diſt q՚ ie lo feroie
1945 Ml՚t tres volētiers
1946 Mais en mō cuer
1947 Tant ne ſent mie
1948 De hardem̄t q՚ ie li die
1949 Ne qu'a autres ſauoir le face
1950 Qu'ē ce faiſant ne me mefface
1951 Celer le doi ſe ſauoir veil
1952 Car li meſdiſant a loꝛ duel
1953 Maniere de meſdire auroiēt
1954 Se eulz de riens aꝑceuoient
1955 Qu'aucune choſe dit euſſe
1956 Q՚ celer et taire deuſſe
1957 Trop miex ma vie ainſi vſer
1958 Q՚ moy ꝑ ma iāgle encuſer
1959 Aſſez de coꝛrous me veniſt
1960 Car de iāgler nulz biēs n'ē iſt
1961 Si atēdꝛai m՚ci ainſi
1962 De la panthere q՚ i'aīg ſi
1963 Q՚ de li ne me pꝰ retraire
1964 Car autre choſe n'ē os faire
1965 Li diex diſt autre ꝯſeil pꝛedꝛe
1966 Te conuiēt et ailloꝛs ētēdꝛe
1967 Et toute autre voie tenir
1968 Se tu veulz a m՚ci venir
1969 Et pꝰ q՚ tu as refuſees
1970 Les voies q՚ ie t'ai mouſtrees
1971 Ie n'y vois plus voie nis vne
1972 Foꝛs q՚ la voie de foꝛtune.
1973 Et cele voie eſt trop douteuſe
Folio 166v
1974 A tenir et trop ꝑilleuſe
1975 Car foꝛtune ſi eſt trop dure
1976 A la fois et triſte et obſcure
1977 Felōneſſe oꝛgueilleuſe et fiere
1978 Et ala fois d'autre man՚e
1979 Large coꝛtoiſe et acueillās
1980 Douce piteuſe et biē veillās
1981 Puis q՚ choſes q՚ i'aie dites
1982 Ne veult nulz tenir ſ'ē ſoit qⁱtes
1983 Si pꝛen de foꝛtune la voie
1984 C'eſt li plꝰ biaꝰ tours q՚ g'i voie
1985 Car tant ne te ſauras laſſer
1986 Q՚ ꝑ aillours puiſſes paſſer
1987 Vas dōques et ſi t'apareilles
1988 Et a tō pꝛofit faire veilles
1989 Li .iii. qui t'ōt fait cōpaignie
1990 Au beſoig ne te faudꝛōt mie
1991 Mais voies et ꝑ ſentiers
1992 T'acōpaignerōt volent՚s
1993 Car ie le veil et le cōmant
1994 Loꝛs dis ſire a vr՚e cōmant
1995 De cy donq՚s me ꝑtirai
1996 Droit a foꝛtune m'ē irai
1997 A tant d'ileq՚s me de ꝑt
1998 Et li diex d'am˞s d'autre ꝑt
1999 Si noꝰ meiſmes ala voie
2000 Ie et li .iii. q՚ ie menoie
2001 Q՚ li diex en ma cōpaignie
2002 Me bailla ꝑ ſa coꝛtoiſie
2003 Tant alames ꝑ nos ioꝛnees
2004 Ꝑ mōtaignes et ꝑ valees
2005 Qu'ē aſſez petite ſaiſon
2006 Veniſmes dꝛoit en la maiſon
2007 De foꝛtune la v enimeuſe
2008 Moult eſt ſa maiſō ꝑilleuſe
2009 Car elle ſiet toute ſus glace
2010 Qⁱ dure q՚ tēps q՚ il face
2011 Car ml՚t belle eſt d'une p tie
2012 Et noble et de toꝰ bn̄s garnie
2013 De l'autre ꝑtie ſi gaſte
2014 Q՚ nul n'i a ne pain ne paſte
2015 Et eſt ruineuſe et deſerte
2016 Si deſpeciee ſi deſꝑte
2017 Q՚ ſ'il esꝑtiſt plus ou vēte
2018 Nulz ne m'eſt la qⁱ ne ſ'ē ſēte
2019 Car la pluie. vens ⁊ e ſpars
2020 Se fierent ens de toutes ꝑs
2021 De cele maiſon a l'entree
2022 Eſtoit foꝛtune l'a uuglee
2023 Poꝛ les treſpaſſans receuoir
2024 Car il conuient ſachiez de voir
2025 Q՚ chaſcūs y ſoit hoſtelez
2026 Car il n'a nul hoſtel delez
2027 Que l'en peuſt pas herberg՚
2028 .I. vaillant hōme uun berg՚
2029 .ij. ſeigneurs a en la maiſon
2030 Qⁱ n'i ſont mie de raiſon
2031 Ains vſent de loꝛ volēté
2032 Et a de gent chaſcūs plēté
2033 Li vns des .ij. a nō eurs
2034 Et li autres a nō meſeurs
2035 Eurs ſi garde la ꝑtie
2036 Qⁱ eſt plus bele et plꝰ garnie
2037 Et cele a nō pꝛosꝑitez
2038 Et l'autre a nō adu՚ſitez
2039 Qⁱ eſt oꝛde ⁊ de lair a faire
2040 En ce le meiſme repaire
2041 Li vns a l'autre ades g՚roie
2042 Et ce qu'il pert li cos ⁊ pꝛoie
2043 Tele eſt loꝛ couſtume cōmune
Folio 167r
2044 Mais il couuent q՚ de foꝛtune
2045 Leur ſoit l'autoꝛite baillie
2046 Car qñt foꝛtune eſt coꝛroucie
2047 Meſeur puet ſus eur pꝛendꝛe
2048 Que cilz ne ſ'ē oſe deffendꝛe
2049 Et qñt foꝛtune eſt apaiſie
2050 Eus aloꝛs la ſeignoꝛie
2051 Si met de tez en gñt noblece
2052 Et meſeurs tient en deſtrece
2053 Qñt noꝰ veniſmes ala poꝛte
2054 Foꝛtine qui nul ne depoꝛte
2055 Eſtoit a ce poīt coꝛroucie
2056 Si noꝰ fiſt metre en ſa ꝑtie
2057 D'au՚ſite par meſeur
2058 Car ie n'en fui pas aſſeur
2059 Ains y ai a ſoffrir aſſez
2060 Auāt q՚ li tēps fuſt paſſez
2061 Q՚ de la ꝑtir me peuſſe
2062 Et ēcoꝛ plus ſouffert euſſe
2063 Mais ſouuenirs et eſꝑāce
2064 Et doꝰ pēſers qⁱ aleiāce
2065 Et ml՚t gñt confoꝛt me faiſoiēt
2066 Car qñt a meſchief me veoient
2067 Il diſoiēt ſoiez ſeurs
2068 Qu'ē ce ſouſtenrra eurs
2069 Es tourm̄s fui la lōguem̄t
2070 C'onq՚s n'oy autre allegem̄t
2071 Ne poꝛ pꝛier ne poꝛ ˞pmettre
2072 Ie ne m'ē pooit hoꝛs mettre
2073 De ces meſchiez de cele ardure
2074 .I. ioꝛ auint ꝑ auēture
2075 Q՚ vi vne dame ſenee
2076 Cheuauch՚ ꝑ vne ꝯtree
2077 S'apella vne damoiſele
2078 Bone volēté ot nō cele
2079 Nul biē ne ſauroit eſcō dire
2080 A foꝛtune l'ēuoia dire
2081 Qu'ē ſon hoſtel le ioꝛ ſeroit
2082 Et leens ſe h՚berg՚oit
2083 Qñt bone volēté la vint
2084 Treſtout ainſi cōme il auint
2085 Q՚ foꝛtune fu a paiſie
2086 Qⁱ eſtoit deuant coꝛroucie
2087 Aſſez toſt ap՚s reuint grace
2088 Loꝛs n'i a celi qⁱ ne face
2089 A grace et a ſa gēt qñt ioie
2090 Foꝛtune meiſmes la cōuoie
2091 Et eurs en pꝛosꝑite
2092 Qⁱ fu de gñt auctoꝛite
2093 Car tout puet faire ſō talēt
2094 Qñt foꝛtune eſt ſans mal talēt
2095 Et qñt il ſe vit en poſſāce
2096 Il ſe volt ſās faire arreſtāce
2097 Tātoſt v՚s adu՚ſite traire
2098 Poꝛ faire a meſeeur ꝯtraire
2099 Si cō il eſtoit ou venir
2100 Il vit delez moi ſoꝛuenir
2101 Et li demanda doucem̄t
2102 Di moi dont ſās delaiem̄t
2103 Amis qui t'a amene ca
2104 Et qⁱ ceens toy adꝛe ca
2105 Souuenirs diſt ſachiez ſās doute
2106 Q՚ foꝛtune qⁱ ne voit goute
2107 Me miſt cy ⁊ ma ꝯpaignie
2108 Pieca q՚le eſtoit coꝛroucie
2109 Et pꝰ noꝰ a toꝰ ioꝛs eſte
2110 Et ꝑ yuer et ꝑ eſte
2111 Li iſſirs eſt cy deueez
2112 Cilz autres q՚ voꝰ cy veez
2113 Eſt vns tres fins loiax amās
2114 Auſſi fermes c'uns dyamās
2115 Et doꝰ pēſers ⁊ eſꝑāce
2116 Si ſōmes cy ꝑ ſa coītāce
2117 Et poꝛ m՚ci querre venu
Folio 167v
2118 Car noꝰ ſomes a li tenu
2119 Que noꝰ ne la poons faillir
2120 Qⁱ cōq՚s le veille aſſaillir
2121 Ie vous ai le voir racōte
2122 Si vous pꝛi ꝑ vr՚e bōte
2123 Et ꝑ vr՚e gñt coꝛtoiſie
2124 Q՚ voꝰ moi ⁊ ma cōpaignie
2125 D'auerſite hoꝛs noꝰ menez
2126 Et ceſt cōmāt ē moy pꝛenez
2127 Car il eſt loiaus ⁊ ētiers
2128 Eur reſpōdi volent՚s
2129 Veil ta req՚ſte receuoir
2130 Et ſi voꝰ veil ſachiez de voir
2131 Dedēs ˞pſꝑite ꝯduire
2132 Auſſi ſui ie venus poꝛ nuire
2133 A meſeeur ⁊ lui mal faire
2134 Poꝛ ce q՚ volētiers ꝯtraire
2135 Me fait qñt il pooir en a.
2136 A tant meſeur ēmena
2137 Qñt noꝰ venimes ē la place
2138 De ˞pſꝑite deuant gc̃e
2139 Eurs gc̃e ſi coꝛte tint
2140 Qu'ē ſon ſeruie me retīt
2141 Bone volēté l'ē pꝛia
2142 Poꝛ ce plus toſt ſi otroia
2143 Tout ē ce poi ꝑ v՚ité
2144 Chiez foꝛtune ē ˞pſꝑite
2145 Ou maīte bele herberge a
2146 O noꝰ vint ⁊ ſe h՚beria
2147 Auec lui merci ē me noit
2148 Sa chiere fille et ſi menoit
2149 Auec lui la douce pathere
2150 Qⁱ tāt eſtoit ⁊ douce ⁊ clere
2151 Qⁱ de biaute voir ē lumine
2152 Toꝰ les liex ou elle chemine
2153 Qñt leēs furent deſcēdues
2154 De toꝰ furēt biē retenues
2155 Q՚ en pꝛosꝑite eſtoient
2156 Et ml՚t gñt feſte loꝛ faiſoiēt
2157 Mais qñt la pathere venir
2158 Vi ie ne me ſoi retenir
2159 Ains ꝑdi toute ꝯtenāce
2160 Loꝛs me cōfoꝛta e sꝑāce
2161 Et dit pꝛens cuer ⁊ t'eſuertue
2162 Et pꝰ q՚ pitiez eſt venue
2163 Tu aras ce q՚ tu conuoites
2164 Se tu v՚s gc̃e tāt eſploies
2165 Q՚ poꝛ toi le veille pꝛoier
2166 Q՚ merci li veille otroier
2167 Loꝛs pꝛiai tāt ma dame gc̃e
2168 Q՚ tātoſt ſans q՚rre eſꝑace
2169 Et ſans q՚rir nule autre aloīgne
2170 Pregne pitie de ma beſoigne
2171 Et treſtuit cil qⁱ la eſtoient
2172 Aueq՚s gc̃e l'ē pꝛioient
2173 Et loꝛs diſt pitiez ce me ſāble
2174 Et vous eſtes tel gēt enſāble
2175 Et eſtes de ſi bō a faire
2176 Q՚ ne voꝰ ſauriez me ffaire
2177 Et qui ne me feriez req՚ſte
2178 Q՚ ne fuſt ⁊ bone ⁊ honeſte
2179 Et poꝛ ce poīt ne me deſcoꝛde
2180 Se la panthere ſi deſcoꝛde
2181 Mais ſachiez biē ſās ſō acoꝛt
2182 A ce faire pas ne m'acoꝛt
2183 Car ſachiez en nule maniere
2184 Ne qⁱer m՚ci ma fille chiere
2185 A home qⁱ viue octroier
2186 Poꝛ pꝛier ne poꝛ loier
2187 Mais poꝛ vr՚e amoꝛ tāt ferai
2188 Q՚ volēt՚s l'ēpꝛierai
2189 Et ſe voꝰ auſſi l'ē pꝛoiez
2190 Et eur pꝛier en feriez
2191 Et bone volēté la gēte
Folio 168r
2192 Qⁱ a toꝰ biēs faire eſt p՚ſēte
2193 Et ſachiez noꝰ n'y
2194 Faudꝛons mie
2195 Se bōne volēté l'ē pꝛie
2196 Loꝛs pꝛē dent ſās poīt de trier
2197 Entr'eulz la panth՚e a pꝛier
2198 Qu'ē ſi gñt amoꝛ me recueille
2199 Q՚ m՚ci otroier me veille
2200 Qñt vit q՚ chaſcūs l'ē pꝛia
2201 V՚s moy .j. poy ſ'umilia
2202 Et me diſt ainſi la pāth՚e
2203 Pꝰ q՚ pitie qͥ eſt ma m՚e
2204 Le veult ie ne le deſuouldꝛay
2205 Ains le veil ⁊ adez vouldꝛay
2206 Qñt bone volētez l'ē pꝛie
2207 Et ma gc̃e et ſa cōpaignie
2208 Q՚ nulz ne deuroit refuſer
2209 Ie ne m'ē ſauroie eſcuſer
2210 Car ie croi qⁱl ine pͥeroiēt
2211 Poꝛ nului ſe il ne ſauoient
2212 Q՚ il fuſt dignes de la choſe
2213 Poꝛ ce refuſer ne loꝛ oſe
2214 Dont pas ne voꝰ deuez doloir
2215 En tout biē et ē toute honoꝛ
2216 Sans pēſer mal ne deſhonoꝛ
2217 Ie voꝰ otroi moi ⁊ m՚ci
2218 Loꝛs dis et ie voꝰ ē m՚ci
2219 Douce dame tāt ꝯ ie puis
2220 Car ailloꝛs n'oy pēſee puis
2221 Q՚ ie voꝰ vi p՚mierem̄t
2222 Qu'a voꝰ amer entierem̄t
2223 Et q՚ m'amoꝛ voꝰ peuſt plaire
2224 Douce pāth՚e debōnaire
2225 Poꝛ ce cuer ⁊ coꝛps voꝰ otroi
2226 Car voꝰ auez ꝑ vr՚e otroi
2227 Enuoie ſi ꝑfaite ioie
2228 Q՚ plꝰ gñt auoir ne poꝛroie
2229 Il n'eſt nulz hōs qⁱ euſt onq՚s
2230 Si gñt ioie ꝯ ioi adonq՚s
2231 Et ce fu tout dꝛoit ſus le ioꝛ
2232 A tant la grace ſans ſeioꝛ
2233 Qⁱ aſſes pꝛes ert de m'oꝛeille
2234 Coꝛne le iour et ie m'eſueille
2235 Qñt ie me trouuai eſueillie
2236 Ie me ſenti ſi traueillie
2237 De ce q՚ ie ſouffert auoie
2238 En mō doꝛmāt qñt ie sōioie
2239 Si cōm ēcai a reuerchier
2240 Tout mō ſōge ⁊ a ēcerch՚
2241 Qñt i'oi biē encerchie mō ſoge
2242 Riens n'y trouuay
2243 Qui fuſt m'en sōge
2244 Foꝛs tant ꝯq՚s m՚ci trouu՚
2245 Ne poy tāt peuſſe eſpꝛouu՚
2246 Mō cuer ꝑ loialm̄ ouurer
2247 Mais en eſpoir de recouurer
2248 Toꝰ ioꝛs loiaum̄t ouu՚rai
2249 Ne ſai ſe ia recouuerray
2250 Ne vant՚ ne me pꝰ ie mie
2251 C'onq՚s a nul ioꝛ de ma vie
2252 Trouuaſſe ne ſamblāt ne ch՚e
2253 En ma tres douce dame ch՚e
2254 Dōt m՚ci eſꝑer deuſſe
2255 Cō biē q՚ pener me peuſſe
2256 Et ſi n'ē puis ne veil retraire
2257 Ne poꝛ ēnui ne poꝛ ꝯtr̃re
2258 Qu'aye ſouffert duſq՚s a oꝛe
2259 Ne que i'aie a ſoffrir ēcoꝛe
2260 Car miex ēploier ne poꝛroie
2261 Mō tēps ē dame q՚ ie voie
2262 Qu'aīg miex l'āguir poꝛ li ꝑ m'ame
2263 Q՚ ioir de nule autre dame
2264 Ainſi viurai en ſon dang՚
2265 Q՚ li poꝛ nul autre dang՚
2266 N'on q՚s n'oy autre volēté
2267 Tant euſſe de mal plēté
Folio 168v
2268 Ne ia n'aurai ioꝛ de ma vie
2269 S'en di ceſte chancō iolie
2270 Q˜moꝛs de nouuelme fait faire
2271 Pour ami ne poꝛ ꝯtr̃aire
2272 Ne pour mal ſouffrir
2273 Ne me puis d'ame tenir
2274 Mō cuer ne m'ē lait retraire
2275 Poꝛ ēnui ne p˞ cōtraire
2276 Ains me fait tant
2277 Les griez maulz plaire
2278 Qu'amoꝛs fait venir
2279 Qⁱl me font dire ⁊ ſētir
2280 Pour ēnuy՚ ⁊ c՚.
2281 Ne ia ne m'ē quier meffaire
2282 Pour ēnui ne poꝛ cōtraire
2283 Et pꝰ q՚ ie veil tāt faire
2284 D'amoꝛs le plaiſir
2285 Biē pꝰ dire ſans mētir
2286 Pour ēnuy՚ ⁊ c՚.
2287 Car nulz cuers de bō afaire
2288 Pour ennuy
2289 Ne ſe doit nis p˞ moꝛt traire
2290 D'amoꝛs deꝑtir
2291 Mais dire au poīt de moꝛir
2292 Pour ennuy
2293 Cy ap՚s veil la raiſō rēdꝛe
2294 Qⁱ ma fait a ce faire ētēdꝛe
2295 Dōt la raiſō apꝑtem̄t
2296 Poꝛ coy aȳme ſi faitem̄t
2297 Ceſte chācōnete ēuoie
2298 Qⁱ cy enſuit le ſenefie
2299 BIautez bōtez douce chiere
2300 Sens ⁊ auenās man՚e
2301 Et gc̃e m'ont ſi cō quis
2302 En mouſtrāt dame de pꝛis
2303 Soudaīnement
2304 A li ſeruir me rent
2305 Pris outreement
2306 Ne ia de mō cuer mis arrieres
2307 N'en iere. Car cetaīs iere
2308 Q՚ ia iour ne fuſſe oys
2309 Et ſi eſt il du tout mis
2310 Si fermem̄t qu'ali ſeruir ⁊ c՚
2311 Mais ia ſe dieu pleſt ſi fiere
2312 Niert v՚s moi ma dame ch՚e
2313 Q՚ de li ſoie eſcōdis
2314 Car de lui amer eſpꝛis
2315 Sui ſi foꝛm̄t;
2316 Qu'a li ſeruir ⁊ c՚.
2317 I'ai dit la raiſon ⁊ le dit
2318 En ceſte chācō qⁱ me fait
2319 Amer ſi loiaum̄t ſans fraīdꝛe
2320 Q՚ ne m'ē pꝰ ne veil refraīdꝛe
2321 Et poꝛ ce qu'au cōmēcem̄t
2322 Qñt regardai p՚mierem̄t
2323 Ma dame. des biēs y vi tāt
2324 Si m'ē aloie delitant
2325 Q˜moꝛs me dona eſꝑāce
2326 Q՚ de li amoie aleiāce
2327 Et poꝛ ce loꝛs ſouuēt chātoie
2328 Et plꝰ gays ⁊ iolis eſtoie
2329 Et loꝛs fis ie p՚mierem̄t
2330 A l'aide tāt ſeulem̄t
2331 De bone amoꝛ qⁱ me meſtrie
2332 Iceſte balade ēuoiſie
2333 SE nulz cuers poꝛ biē chanter
2334 Auoit volēté iolie
2335 Ne coꝛage de chanter
2336 Faillir n'y deuroie mie
2337 Car i'aīg dame biē garnie
2338 De ſens ⁊ deuoir
2339 S'ē merci amour
2340 I'ai mis ſās ia deſſeruer
2341 Cuer et coꝛps ē ſa baillie
2342 Car bele eſt a regarder
2343 Coꝛtoiſe ⁊ biē enſaignie
Folio 169r
2344 Et trop plus q՚ ie ne die
2345 Plaine de valour
2346 S'en m՚ci amour
2347 Av cōmēcier me maītenoie
2348 Ainſi poꝛ ce q՚ ie cuidoie
2349 En aucū tēps auoir amie
2350 Cele q՚ i'auoie choiſie
2351 Et ſi cuidoie vraiem̄t
2352 Q՚ ceulz qⁱ aīmēt bonem̄t
2353 Maꝰ ne ꝯ traire ne leuaſt
2354 Q՚ de deſir plꝰ le greuaſt
2355 Mais cuidiers qⁱ ſouuēt eſluſe
2356 Aſſez de gēs ⁊ les amuſe
2357 Mais biē d'ū autre iē ioue
2358 Nō pas ione mesmeſioue
2359 Et trop malem̄t deceu
2360 Si cōme le l'ai bien veü
2361 Car cele a cui ie m'atēdoie
2362 Se met toꝰ ioꝛs hoꝛs de la voie
2363 Et me fait dōt i'ai ſi gñt ire
2364 Qu'a paine le poꝛroie dire
2365 S'en ioue ie voꝰ ay couuēt
2366 Et chāt maīs q՚ ne ſeul ſouuēt
2367 Car ie q՚ eſper ſoloie
2368 M՚cy ne ſay q՚ faire doie
2369 Pour eſtat qⁱ ainſi chacele
2370 S'en ay fait ceſte baladele
2371 Amis muez a cōtraire
2372 M'aſi mue mō afaire
2373 Qⁱl m'a fait lōguem̄t tāt
2374 De chant՚ ⁊ de chāt faire
2375 Car la bele au doꝰ viaire
2376 Q՚ i'aīg deſeruir mō a faire
2377 N'eſt ce aſſez p˞ moy retraire
2378 De chant՚ ⁊ de chāt faire
2379 Bone amoꝛ veilliez atraire
2380 Tāt q՚ ie puiſſe ali plaire
2381 Si arai bon exāplaire
2382 De chanter ⁊ de chant faire.
2383 Et qñt ma dame
2384 Ainſi m'eſlonge
2385 Ie n'ē puis ſe ie reſoigne
2386 Et ſe ie me doubt et eſmaie
2387 Q՚ ie de li ia merci n'aie
2388 Et plus poꝛ ce me doi doubter
2389 Q՚le oir ne veult n'eſcouter
2390 Ni entēdꝛe ē nule maniere
2391 Chāt q՚ ie face ne pꝛiere
2392 Se criē q՚le n'ait autre ami
2393 Poꝛ ce q՚le n'ētent a mi
2394 Dont i'ai au cuer ioie ⁊ peſāce
2395 Tele q՚ pour cele doubtāce
2396 Ie demeur hoꝛs de ſon pays
2397 Car ie ſeroie trop trahis
2398 Se ie deuāt mes yex veoie
2399 Qu'autres de moy ē euſt ioie
2400 S'ē ſui de chanter achoiſiez
2401 Et plus mas ⁊ mais ēuoiſiez
2402 Mais amoꝛs tele vilēnie
2403 A vrai amāt ne ferōt mie
2404 Poꝛ ce des oꝛes mais ſerai
2405 Maīs triſtes ſi m'ēuoiſerai
2406 Et chāterai cōm̄t qⁱl aille
2407 Car qⁱ ſert dame qⁱ riēs vaille
2408 Enuis ne puet eſtre peris
2409 Qu'ē aucū tēps ne ſoit m՚is
2410 Ca m'a de chant՚ eſmeu
2411 S'ē ay fait miex q՚ i'ai peu
2412 Ceſte chancō toute nouuele
2413 Qⁱ mō eſtat mouſtre ⁊ reuele
2414 Et le paſſe ⁊ celui d'oꝛe
2415 Et ce li auenir ēcoꝛe
2416 L'ay eſte chantās iolis ⁊ gays
2417 Mais venue eſt l'eure
2418 Dōt iadis telz rit au maī
2419 Qui au ſoir pleure
Folio 169v
2420 Si n'a en moy ne ieu ne ris
2421 Car ie ne puis eſtre oys
2422 De cele qui a m'amoꝛ
2423 Poꝛ qui ie ſui ſans ſeiour
2424 En pēſee nuit ⁊ ioꝛ
2425 Pour ce ſui triſtes pēſis
2426 Et mas poꝛ la demeure
2427 Q՚ ie fais hoꝛs du pays
2428 Ou cele qui i'aīg demeure
2429 Q՚ ie fais hoꝛs du pays
2430 Ou cele qⁱ i'aīg demeure
2431 Et ſi en aīg miex eſtre eſchis
2432 Q՚ deuāt mes yex ſaiſis
2433 Fuſt vns autres de l'onour
2434 Poꝛ qⁱ ie ſui ſās ꝑtir
2435 Car ſ'il auenoit q՚ vns
2436 veiſt .i. autre au deſſeure
2437 De l'amoꝛ dōt ſui eſpꝛis
2438 Ie ne voie qⁱ me ſequeure
2439 Q՚ ne fuſſe mal baillis
2440 Car eſtre ne puis garie
2441 Autrem̄t de la dolour
2442 Poꝛ qui ⁊ c՚
2443 Mais amoꝛs qⁱ ſes ſubges
2444 Eſſauce auāce ⁊ honeure
2445 Soufferroit ie croiy ēuis
2446 Puis qu'a li ſeruir labeure
2447 Mes coꝛps ē fais ⁊ ē dis
2448 Q՚ ie fuſſe ainſi trais
2449 Qu'a cele n'aie retour.
2450 Pour qui ⁊ c՚.
2451 Et ſi ſui ie biē ſi pꝛis
2452 Q՚ poꝛ mal qⁱ ſus me que ure
2453 Ne ſerai ia ſi repas
2454 Que ie tant me deſhoneure
2455 Se d'amer ſoie faītis
2456 Si ferai a cele amis
2457 Sās pēſer nul vilain tour
2458 Pour qui me ſui ſans ſeioꝛ
2459 SE ie ſui de ma dame pꝛis
2460 Ie n'ē doi pas eſtre repꝛis
2461 Qñt elle eſt poꝛ bone tenue
2462 De tex dōt elle eſt cōgneue
2463 Car i'oy dire ē ˞pu՚be
2464 Ꝯ doit a ſō oeil la bone h՚be
2465 Touch՚ qñt on la puet trouu՚
2466 Et ꝑ ce pues tu biē pꝛouu՚
2467 Ꝯ doit auſſi les cuers loiax
2468 Chier tenir qⁱ n'eſt deſloiaꝰ
2469 Et ſ'ai oy toꝰ ioꝛs retraire
2470 Qu'ē coꝛps tout hūble
2471 Et debōnaire
2472 Doit ꝑ raiſō bō cuer auoir
2473 Si c'ō puet ꝑ de hoꝛs veoir
2474 Poꝛ quoi les ꝑſōnes ſōt dignes
2475 D'amoꝛ ou l'ē trueue ces ſignes
2476 I'ai la bone h՚be recouurees
2477 Et iusqu'a mes yex menee
2478 Si dirai en q՚l maniere
2479 En regardant la douce chiere
2480 De ma dame ⁊ ſō doꝰ viaire
2481 Q՚ maint grief mal
2482 El mal el m'a fait traire
2483 Mais ſa tres bele cōtenāce
2484 Eſt ce m'eſt vis ſigni fiāce
2485 De cuer piteus ce me ꝯfoꝛte
2486 Tāt q՚ mō mal plꝰ bel ſ'ēpoꝛte
2487 Car il m'eſt vis q՚ la biautez
2488 Noꝛrit pitie ⁊ loiaute
2489 Dont ne me doie nulz repꝛēdꝛe
2490 S'a li am՚ ie veil entēdꝛe.
2491 Et ſe de li ſai maīs vaillās
2492 Poꝛ ce n'y doi eſtre faillās
2493 Car humilitez fait ſambler
2494 Les cuers qu'amoꝛs fait aſſābler
2495 Qñt pitiez ſ'ē melle ſamblans
Folio 170r
2496 So cō diſt adam de la hale
2497 Qⁱ onq՚s n'ot pēſee male
2498 V՚s amoꝛ ne cuer deſloial
2499 En ce ver d'un ſien chāt royal
2500 Fins cuers qⁱ vr՚e deuiant n'a
2501 Pas meſchoiſi.
2502 Mais nulz ne ſ'i apꝑtiēt
2503 Non pour quant ie di
2504 Q՚ humilite ſans nulſi fait ſābler
2505 Qñt amoꝛs ſe veult meller
2506 Chaſcun onny
2507 Pour ce veil ſās plꝰ ſeioꝛner
2508 Deu՚s ma dame ⁊ retourner
2509 En qⁱ i'ai m'ētēte miſe
2510 Et li pꝛoier en ceſte guiſe
2511 Douce dame courtoiſe ⁊ bele
2512 Et bone voꝰ qⁱ eſtes tele.
2513 Qⁱ eſt l'erbe q՚ i'ai choiſie
2514 Q՚ i'ai a mes yex atouchie
2515 Veilliez moy mouſtrer la frachiſe
2516 Qⁱl ſamble q՚ nature ait miſe
2517 En voꝰ fournir finablem̄t
2518 Et moi qⁱ voꝰ pͥ hūblem̄t
2519 Retenir dame a voꝰ amer
2520 Car nulz ne voꝰ deuroit blaſmer
2521 Se voꝰ de moy auez pite
2522 Ꝑ vr՚e gñt humilite
2523 Car dame douce ⁊ g̃cieuſe
2524 Doit ꝑ raiſon eſtre piteuſe
2525 Et poꝛ ce plus hardiem̄t
2526 Voꝰ pꝛi q՚ voꝰ allegem̄t
2527 De m՚ci me veilliez dōner
2528 Et ſi me veilliez ꝑdōner
2529 Qñt ſi gñt choſe oſai ēpꝛēdꝛe
2530 Ꝯ de vr՚e m՚ci atēdꝛe
2531 Dame gētilz ⁊ debōnaire
2532 Car gñt amoꝛ le me fait faire
2533 Et ſe de voꝰ amez eſtoie
2534 Ie ſeroie ē pleniere ioie
2535 Et ſeroient toꝰ aſſouui
2536 Ce q՚ dedens mō ſonge vi
2537 Li q՚lz ne puet eſtre auerez
2538 Deuant qu'ainſi fait auerez
2539 Si voꝰ pꝛi q՚ voꝰ veille plaire
2540 Q՚ voꝰ veilliez tāt poꝛ moi faire
2541 Q՚ i'ai fait en vr՚e fiāce
2542 Si me fera gñt alleiāce
2543 Poꝛ moi allegier mō martyre
2544 Q՚ ie voꝰ veil ceſt rōdel dire
2545 Q՚ i'ai fait en vr՚e fiāce
2546 Si me fera gñt alleiāce
2547 Soiez liez ⁊ menez ioie amis
2548 Qu'amours m'en pꝛie
2549 D'alegier vr՚e dolour
2550 Fins cuers a qⁱ ie m'otroie
2551 Soies liez.
2552 Car poꝛ ce q՚ ie vouldꝛoie
2553 Toꝰ ioꝛs vos bōs ſe ie pooie
2554 Acōplir ſauue m'ōnour
2555 Voꝰ di ie ꝑ gñt doucour
2556 Soiez liez.
2557 Et ſe de voꝰ oy l'auoie
2558 Ceſt autre fait q՚ ie diroie
2559 I'ay en cōmandement
2560 D'eſtre liez.
2561 Si le ſerai enchantant
2562 De loial cuer gay
2563 Son me demande cōment
2564 Ne pour quoie ie reſpōdꝛai
2565 D'eſtre liez ſi le dirai
2566 Et tout ce m'eſt bel ⁊ gay
2567 Q՚ cele ou mō cuer m'as ay
2568 Cōmande. Et poꝛ ce dirai.
2569 I'ay cōmandem̄t ⁊ c՚.
2570 Car tres ml՚t gñt ioie auroie
2571 Douce dame ſe pooie
2572 Faire choſe qⁱ voꝰ pleuſt.
Folio 170v
2573 Combiē que couſter me deuſt.
2574 Fuſt du coꝛps fuſt de l'auoir
2575 Ne q՚ mal q՚ ie puiſſe auoir
2576 Ne ferai plaīte ne clamoꝛ
2577 Ains en merci voꝰ ⁊ amour
2578 Qñt il li pleſt et li aggree
2579 De vrai cuer entier et loial
2580 S'en dirai en ceſt chāt royal
2581 Merci amour de la douce doleur
2582 Q՚ me mouſtre au cuer
2583 Me fait ſentir
2584 Pour la plus bele
2585 Et toute la meillour
2586 Qu'ē puiſſe el mōt
2587 Ne amer ne ſentir
2588 Ne ia deſeruir ne poꝛroie enu՚s
2589 Voꝰ les auātages
2590 Que me faites venir
2591 En tant ſans plus
2592 Que ie l'aing ⁊ deſir
2593 Ie tiēg l'eſpoir le deduit
2594 et l'amour.
2595 A biau deduit qⁱ ſi ſcet maītenir
2596 Tout ſoit ainſi c'on ne puiſt
2597 Par nul tour
2598 Ia a l'amour de ſa vie a venir
2599 Car le biē qui en vient font coꝛroꝰ
2600 D'eſperis.
2601 Aing ces maux leſſier deſpire
2602 Et le iouuēt en ioie maītenir je doi.
2603 Dame gēte de coꝛps delitable a veoir
2604 Reſplēdiſſāt de naturel coulour
2605 Entour vairs yex rians aler
2606 Trouuer ie doi bien fremir et
2607 Couchier au deſſous
2608 Qñt en lieu ſi pꝛecious
2609 M'oſai d'amer en hardir
2610 Mais foꝛce d'amoꝛ m'i fiſt encheir
2611 Si voꝰ pꝛie la m՚ci ꝑ doucour
2612 Franche dame car ne m'ē pꝰ tenir
2613 OR le cōper et ſi n'ai pas vigoꝛ
2614 Q՚ deu՚s voꝰ me ſache deſcouurir
2615 Miex me vient a tapir
2616 Car n'eſt paire de voꝰ
2617 Biē ſai ia n'aurai reſcous
2618 Pour tāt y poꝛrai moꝛir
2619 Se voꝰ pitie n'ē leſſiez conuenir
2620 Dame merci vous pꝛi
2621 S'onques nul iour
2622 Sont gētilz cuers ot m՚ci de m̃rtyr
2623 Nō pas pour ce qu'aye
2624 Annui ne freour
2625 Ne deſeſpoir poꝛ ces maꝰ ſouſtenir
2626 Car ſi gñt plaiſir
2627 Prēg des doulz maulz
2628 Sans enour
2629 Con plus ſent plus ſui ioiaus
2630 Ne ie n'ē veil poīt guerir
2631 Car mō eſpoir
2632 Vault d'autrui le ioir
2633 Dame a qͥ ie me recōmāde
2634 Aidiez moi qⁱ m՚ci demāde
2635 Et m'aiez pour recōmāde
2636 Qⁱ aīg de bō cuer ⁊ de fin
2637 En ceſte oeuure veil metre fin
2638 Pour ce pꝛi m՚ci au finer
2639 Dont ie ne poy onq՚s finer
2640 Q՚ ie veil q՚ ceſte oeuure fine
2641 Merci pꝛi ant a dame fine
2642 Et poꝛ ce q՚ nature humaine
2643 Pooit ēuis tāt y metre paine
2644 Et ſoit du plꝰ ſage de t՚re
2645 Plente ꝑler q՚ elle n'erre
2646 Et ie ſui ſīples et poi ſages
2647 Et ce n'eſt mie mes vſages
2648 De ſi gñt choſe en rime mettre
2649 Cōme i'ai icy mis en lettre
2650 Prie treſtous ceulz qui l'oꝛront
2651 Et qⁱ amender y ſauront
2652 Au coꝛrigier il y apoīt
Folio 171r
2653 Poꝛ dieu qⁱl le mettēt a point
2654 Sans moy remoꝛdꝛe ꝑ ēuie
2655 Sime ferōt gñt coꝛtoiſie
2656 Et m'aiēt poꝛ ce eſcuſe
2657 Q՚ ie n'ay pas ml՚s ce vſe
2658 Mais bone amoꝛ m'i fiſt ēbatre
2659 Poꝛ moi ſolacier ⁊ eſbatre
2660 Et ſi la me fiſt poꝛ ce faire
2661 Q՚ a ma dame peuſt plaire
2662 S'ai tant dit ꝑ dis et ꝑ fais
2663 Qu'auſſi q՚ le ioꝛ ſ'eſt ꝑfais
2664 Qñt il eſt venus acōplie
2665 Q՚ c'eſt oeure toute acōplie
2666 Qñt eſt a rimer et d'eſcrire
2667 Et de tout mō eſtat deſcrire
2668 Duſq՚s oꝛ ay mō non couu՚t
2669 Si q՚ ie ne l'ai deſcouu՚t
2670 A nul viuāt nis a ma dame
2671 Q՚ diex gart ē coꝛps ⁊ ē ame
2672 Car amoꝛs ne la voloit mie
2673 Tāt q՚ ceſte oeure fuſt baſtie
2674 Et amoꝛs eſt choſe ſi digne
2675 Q ne doit ꝑ dit ne ꝑ ſigne
2676 Faire choſe q՚le deffende
2677 Trop y aueroit gñt amēde
2678 Oꝛ eſt ceſte oeure ē rime miſe
2679 Si eſt poīs q՚ ie le deiuſe
2680 Ce qu'a moꝛs m'a fait tāt celer
2681 Et poꝛ ce le veil reueler
2682 Mō nō et mō ſeurnon cele
2683 Mouſtre digne amoꝛ li cela
2684 Oꝛ le voie hōneur dame maine
2685 Poꝛ ſ'ōneur au mouſtrer me paīne
2686 I'ai dit qu'amoꝛs li a cele
2687 Mō nō q՚ i'ai puis reuele
2688 Et mō ſeurnō qⁱ pas ne ment
2689 Poꝛ ce ſe i'ai dit plāinem̄t
2690 Digne amoꝛ li cela ce fait
2691 Car cil fait biē qⁱ faire fait
2692 Qⁱ mō ſeurnō ſauoir voudꝛa
2693 Mais qu'il ne gart ne ca ne la
2694 Foꝛs que digne amour li cela
2695 Mais qui les lettres deſſambla
2696 Et puis ap՚s les aſſambla
2697 Car ſe biē les ſcet a poīt mettre
2698 Plus ne maīs n'i trouuera lettre
2699 Et qui biē a mō dit ſōme
2700 I'ai de mō nō .iij. fois nōme
2701 Et de mō ſeurnō la miſtere
2702 Cy gfault le dit de la pathere